അങ്ങനെ വിനോദ സഞ്ചാരികൾക്ക് സന്തോഷ വാർത്ത .കൊവിഡിനെതിരെയുള്ള കര്‍ശന മാര്‍​ഗനിര്‍ദ്ദേശങ്ങളുമായി താജ്‍മഹല്‍ തുറന്ന് പ്രവര്‍ത്തനമാരംഭിച്ചു തുടങ്ങി . ആറ് മാസങ്ങള്‍ക്ക് ശേഷമാണ് ഈ തീരുമാനം എടുത്തിരിക്കുന്നത് . ആ​ഗ്രാ ഫോര്‍ട്ടും ഇന്ന് മുതല്‍ പ്രവര്‍ത്തനമാരംഭിച്ച് തുടങ്ങി . കൊവിഡ് വ്യാപനം ആരംഭിച്ച മാര്‍ച്ച്‌ 17 മുതലായിരുന്നു രണ്ട് സ്മാരങ്ങളും അടച്ചു പൂട്ടിയത്. ഇവ സന്ദര്‍ശിക്കുന്ന സമയം കൊവിഡ് സുരക്ഷാ മാനദണ്ഡങ്ങള്‍ കര്‍ശനമായി പാലിക്കണമെന്ന് കേന്ദ്ര സര്‍ക്കാര്‍ നിര്‍ദ്ദേശം നല്‍കി .

കൈകള്‍ സാനിട്ടൈസര്‍ ഉപയോ​ഗിച്ച്‌ കഴുകാനും സാമൂഹിക അകലം പാലിക്കണമെന്നും നിര്‍ദ്ദേശമുണ്ട്. അതുപോലെ ഒരു ദിവസം 5000 സന്ദര്‍ശകരില്‍ കുടുതല്‍ അനുവദനീയമല്ല. രണ്ട് മണിക്ക് മുമ്ബ് 2500 പേരും, അതിന് ശേഷം 2500 എന്നിങ്ങനെയാണ് സന്ദര്‍ശകരുടെ കണക്ക്. ആ​ഗ്രാ ഫോര്‍ട്ടില്‍ ഒരു ദിവസം 2500 പേര്‍ക്ക് മാത്രമേ പ്രവേശനമുള്ളൂ. ഓണ്‍ലൈനായിട്ടാണ് ടിക്കറ്റുകള്‍ ബുക്ക് ചെയ്യേണ്ടത്. അകത്ത് പ്രവേശിക്കുന്നവര്‍ക്ക് മാസ്ക് നിര്‍ബന്ധമാണ്. ടിക്കറ്റ് കൗണ്ടറുകള്‍ തുറക്കില്ലെന്നും അധികൃതര്‍ അറിയിക്കുകയും ചെയ്തു. കർശന നിയന്തണങ്ങളോടെ താജ്മഹൽ തുറന്നിരിക്കുകയാണ്.