മഹാരാഷ്ട്ര പുകവലിക്കെതിരെ നിയന്ത്രണങ്ങള്‍ കടര്‍ശനമാക്കുന്നു. സിഗരറ്റിന്റെയും ബീഡിയുടെയും ചില്ലറവില്‍പനയ്ക്ക് മഹാരാഷ്ട്ര നിരോധനമേര്‍പ്പെടുത്തുന്നു.

സിഗററ്റ് പാക്കറ്റില്‍ പുകവലിയുടെ ദൂഷ്യവശങ്ങളെക്കുറിച്ചു മുന്നറിയിപ്പ് ഉണ്ടെങ്കിലും ചില്ലറയായി വാങ്ങുമ്പോള്‍ പലരും ഇതേക്കുറിച്ചു ചിന്തിക്കുന്നില്ലെന്നത് കണക്കിലെടുത്താണ് ഈ തീരുമാനം.

പാക്കറ്റായി സിഗരറ്റ് വാങ്ങാന്‍ വില കൂടുതല്‍ നല്‍കണമെന്നതിനാല്‍, ചെറുപ്പക്കാരെ സാമ്പത്തിക കാരണങ്ങളാല്‍ പുകവലിയില്‍ നിന്നു പിന്തിരിപ്പിക്കാനും പുതിയ തീരുമാനത്തിലൂടെ കഴിയുമെന്ന് ആരോഗ്യവകുപ്പ് കണക്കുകൂട്ടുന്നു.