കോവിഡ് വാക്സീന് സംഭരണത്തിന് കോള്ഡ് ചെയിന് സ്റ്റോറേജ് സംവിധാനം സജ്ജമാക്കാന് ശ്രമവുമായി ഇന്ത്യ
'കോള്ഡ് ചെയിന് സ്റ്റോറേജ്' സംവിധാനം സജ്ജമാക്കാന് ഓണ്ലൈന് ഭക്ഷ്യവിതരണ ശൃംഖലകളുമായി അടക്കം ഇന്ത്യ ആശയവിനിമയം നടത്തുകയാണ്. കോവിഡിനെതിരെ വാക്സീന് ലഭ്യമായാലുടന്, സംഭരണവും വിതരണവും തുടങ്ങാന് ഉദ്ദേശിച്ചാണ് നടപടി. ഇവരുടെ പക്കലുള്ള കോള്ഡ് സ്റ്റോറേജ്, റഫ്രിജറേറ്ററുകള് എന്നിവ കൂടി പ്രയോജനപ്പെടുത്തുകയാണ് ലക്ഷ്യം.
കോവിഡ് സ്ഥിതി കൂടി പരിഗണിച്ചു കേരളം അടക്കം 10 സംസ്ഥാനങ്ങളില് ആദ്യ ഘട്ടത്തില് കോള്ഡ് സ്റ്റോറേജ് സംവിധാനം ശക്തിപ്പെടുത്തും. സര്ക്കാരിന്റെ ഔദ്യോഗിക വാക്സീന് വിതരണ സംവിധാനം മാത്രം മതിയാകില്ലെന്നാണ് വിലയിരുത്തല്.
താലൂക്ക്, ജില്ലാ, സംസ്ഥാന തലത്തില് വലിയ സംഭരണ സംവിധാനമൊരുക്കി ലഭ്യമാകുന്ന ആദ്യ ഡോസുകള് ദ്രുതഗതിയില് വിതരണം നടത്താനാണ് പദ്ധതി. മരുന്നുല്പാദക സംഭരണ സ്ഥാപനങ്ങള്, ഭക്ഷ്യോത്പാദന മേഖല, കാര്ഷിക ഉല്പന്ന വ്യവസായ സ്ഥാപനങ്ങള് തുടങ്ങിയവയുമായി ബന്ധപ്പെട്ടുള്ള കോള്ഡ് സ്റ്റോറേജ് സംവിധാനവും ലഭ്യമാക്കാന് സര്ക്കാര് ആലോചനയുണ്ട്.
മൈനസ് 2-8, മൈനസ് 15-20, മൈനസ് 60-80 ഡിഗ്രി സെല്ഷ്യസ് എന്നിങ്ങനെ വ്യത്യസ്ത റേഞ്ചുകളിലാണ് സാധാരണ വാക്സീനുകള് സൂക്ഷിക്കുക. നിലവില് പരീക്ഷണത്തിലുള്ള ഭൂരിഭാഗം സാധ്യതാ വാക്സീനുകളും സൂക്ഷിക്കാന് കോള്ഡ് ചെയിന് സ്റ്റോറേജ് സംവിധാനം വേണം. ഇതില് കോവിഡ് വാക്സീന് മൈനസ് 2-8 ഡിഗ്രി സെല്ഷ്യസ് മതിയാകുമെന്നാണ് കരുതപ്പെടുന്നത്.
https://www.facebook.com/Malayalivartha