ഓണ്ലൈന് ഗെയിം മൂലം ലക്ഷങ്ങളുടെ കടക്കെണി, വാട്സാപിലൂടെ സുഹൃത്തുക്കളെ അറിയിച്ച ശേഷം യുവാവ് ജീവനൊടുക്കി
ഓണ്ലൈന് ഗെയിമുകള്ക്ക് അടിമയായ യുവാവിന് ഒടുവില് ലക്ഷങ്ങളുടെ കടക്കെണി ആയപ്പോള് യുവാവ് തീ കൊളുത്തി ആത്മഹത്യ ചെയ്തു. പുതുച്ചേരിയില് ഭാര്യയ്ക്കും രണ്ട് മക്കള്ക്കുമൊപ്പം വില്യനൂര് എല്ലയമ്മന് കോവില് സ്ട്രീറ്റില് കഴിയുന്ന വിജയകുമാര് എന്ന യുവാവാണ് ആത്മഹത്യ ചെയ്തത്.
കുടുംബാംഗങ്ങള്ക്കും സുഹൃത്തുകള്ക്കും, ഓണ്ലൈന് ചൂതാട്ടം നിരോധിക്കണമെന്ന ശബ്ദസന്ദേശം വാട്സാപില് അയച്ച ശേഷമാണ് യുവാവ് ജീവനൊടുക്കിയത്. ലോക്ഡൗണ് സമയത്താണ് മൊബൈല് സിം കാര്ഡുകളുടെ ഹോള്സെയിന് കച്ചവടക്കാരനായ വിജയകുമാര് ഓണ്ലൈന് ചൂതാട്ടം തുടങ്ങിയത്.
ആദ്യം പണം ലഭിച്ചത് തുടര്ച്ചയായി കളിക്കാന് പ്രേരിപ്പിച്ചു. അതോടെ ഇതിന് അടിമയായി. പിന്നീട് കടം വാങ്ങി കളിക്കാന് തുടങ്ങി. ഒടുവില് 30 ലക്ഷത്തോളം രൂപയുടെ കടക്കെണിയിലായി.
ശനിയാഴ്ച രാത്രി ഭാര്യക്ക് അയച്ച വാട്സാപ് സന്ദേശത്തില് താന് വിട പറയുകയാണെന്നും മക്കളെ നന്നായി നോക്കണമെന്നും പറഞ്ഞിരുന്നു. ഭാര്യ ഉടന് പൊലീസില് പരാതി നല്കി. എന്നാല് ഇയാളെ കണ്ടെത്താനായില്ല. പിറ്റേന്ന് രാവിലെ പ്രദേശത്തെ തടാകക്കരയില് കത്തിക്കരിഞ്ഞ നിലയില് മൃതദേഹം കണ്ടെത്തുകയായിരുന്നു.
https://www.facebook.com/Malayalivartha