ഹത്റാസ് കൂട്ടബലാത്സംഗ കേസില് ഫോറന്സിക് റിപ്പോര്ട്ടിനെതിരെ രംഗത്ത് വന്ന ഡോക്ടര്ക്കെതിരെ നടപടി
ഹത്റാസ് കൂട്ടബലാത്സംഗ കേസില് ഫോറന്സിക് റിപ്പോര്ട്ടിനെതിരെ രംഗത്ത് വന്ന ഡോക്ടര്ക്കെതിരെ നടപടി. പെണ്കുട്ടിയെ ആദ്യം പ്രവേശിപ്പിച്ച അലിഗഡ് മെഡിക്കല് കോളജിലെ ഇടക്കാല ചീഫ് മെഡിക്കല് ഓഫീസര് ഡോ. അസീം മാലിക്കിനെ ജോലിയില് നിന്ന് ഒഴിവാക്കുകയും ജോലിയില് തുടരേണ്ട എന്നു കാണിച്ച് അലിഗഡ് മെഡിക്കല് കോളജ് അസീം മാലിക്കിന് കത്ത് നല്കുകയും ചെയ്തു. അസീം മാലിക്കിനെ ഇക്കഴിഞ്ഞ ഒക്ടോബര് 16 ന് സൂപ്രണ്ട് സ്ഥാനത്ത് നിന്ന് ഒഴിവാക്കിയിരുന്നു.
ഇതിനു പിന്നാലെ ആശുപത്രിയില് ജോലി ഒക്ടോബര് 20 മുതല് ചെയ്യേണ്ടതില്ലെന്ന് കാട്ടി അധികൃതര് നോട്ടീസ് അയച്ചിരുന്നു. കൂടാതെ ഹത്റാസ് ബലാത്സംഗക്കേസിലെ പ്രതികളില് ഒരാള്ക്ക് പ്രായപൂര്ത്തിയായിട്ടില്ലെന്ന് വ്യക്തമാക്കി സിബിഐ രംഗത്തെത്തി. സ്കൂള് സര്ട്ടിഫിക്കറ്റില് നിന്നാണ് പ്രായപൂര്ത്തിയായിട്ടില്ലെന്ന കാര്യം സിബിഐക്ക് ബോധ്യപ്പെട്ടത് .
"
https://www.facebook.com/Malayalivartha