മൊബൈല് ഫോണുകളുമായി ചെന്നൈയില് നിന്നു മുംബൈയിലേക്കു പോയ ട്രക്ക് കവര്ച്ചാ സംഘം റാഞ്ചി
ചെന്നൈയില് നിന്നു മുംബൈയിലേക്ക് മൊബൈല് ഫോണുകളുമായി പോയ ട്രക്ക് കൃഷ്ണഗിരിയില് കവര്ച്ചാ സംഘം റാഞ്ചി. ഡ്രൈവറെയും സഹായിയെയും മര്ദിച്ചശേഷം കെട്ടിയിട്ടു റോഡരികില് തള്ളി. ട്രക്കിലുണ്ടായിരുന്ന 15 കോടി രൂപ വിലമതിക്കുന്ന 14,500 ഫോണുകള് 10 കിലോമീറ്റര് അകലെവച്ച് മറ്റൊരു ലോറിയിലേക്ക് മാറ്റി ട്രക്ക് ഉപേക്ഷിച്ചു സംഘം കടന്നു.
ബംഗ്ലദേശിലേക്ക് ഫോണ് കടത്തുന്ന മധ്യപ്രദേശില് നിന്നുള്ള സംഘമാണ് പിന്നിലെന്നാണ് പ്രാഥമിക നിഗമനം. ബുധനാഴ്ച പുലര്ച്ചെ 2-മണിക്ക് തമിഴ്നാട്-കര്ണാടക അതിര്ത്തി ജില്ലയായ കൃഷ്ണഗിരിയിലെ മേലുമലയിലാണ് സംഭവം. ചെന്നൈ പൂനമല്ലിയിലെ റെഡ്മി ഉല്പാദന യൂണിറ്റില് നിന്നു കൊണ്ടുപോകുകയായിരുന്നു ഫോണുകള്.
തമിഴ്നാട് ശ്രീപെരുംപുത്തൂരിലെ ഫാക്ടറിയില് നിന്നു കൊണ്ടുപോയ 8 കോടിയുടെ ഫോണുകള് ഓഗസ്റ്റില് ആന്ധ്രയിലെ ചിറ്റൂരില് സമാനരീതിയില് കവര്ന്നിരുന്നു.
https://www.facebook.com/Malayalivartha