നിവാര് ചുഴലികൊടുങ്കാറ്റ് തീരം തൊട്ടതോടെ തീവ്രത കുറഞ്ഞു... ചെന്നൈ വിമാനത്താവളത്തിന്റെ പ്രവര്ത്തനം പുനഃരാരംഭിച്ചു
തീരം തൊട്ടതോടെ നിവാര് ചുഴലികൊടുങ്കാറ്റിന്റെ തീവ്രത കുറയുന്നു. തമിഴ്നാട് കടലൂരില് നിന്ന് തെക്കുകിഴക്കായി കോട്ടക്കുപ്പം ഗ്രാമത്തിലാണ് ചുഴലിക്കാറ്റ് ആദ്യമായി കരതൊട്ടത്. വരുന്ന മണിക്കൂറുകളില് തീവ്രത കുറഞ്ഞ് നിവാര് കൊടുങ്കാറ്റായി മാറും.നിവാര് വ്യാഴാഴ്ച പുലര്ച്ചെയോടെയാണ് പൂര്ണമായും കരയില് കടന്നത്. പുതുച്ചേരിക്കും മാരക്കാനത്തിനും ഇടയ്ക്കുള്ള തീരത്താണ് ചുഴലിക്കാറ്റ് പ്രവേശിച്ചത്.
തീരത്ത് എത്തിയപ്പോഴേക്ക് തീവ്രത കുറഞ്ഞിട്ടുണ്ട്. നിലവില് കാറ്റിന്റെ വേഗത മണിക്കൂറില് 135 കിലോമീറ്ററാണ്. വരുന്ന മണിക്കൂറുകളില് കാറ്റിന്റെ വേഗത ഇനിയും കുറയുമെന്ന് കാലാവസ്ഥാ കേന്ദ്രം അറിയിച്ചു. തമിഴ്നാട്ടിലും പുതുച്ചേരിയിലും നിവാര് ചുഴലിക്കാറ്റില് വ്യാപക നാശനഷ്ടമാണുണ്ടായത്. ചെന്നൈയില് പല ഇടങ്ങളിലും വൈദ്യുതി വിതരണം തടസപ്പെട്ടു. കടലൂരിലും വ്യാപക നാശനഷ്ടമുണ്ടായി. വേദാരണ്യത്ത് വൈദ്യുതി പോസ്റ്റ് വീണ് കുട്ടി മരിച്ചു. വില്ലുപുരത്ത് വീടുതകര്ന്ന് ഒരാള് മരിച്ചു.
ചെന്നൈ, ചെങ്കല്പ്പേട്ട്, കാഞ്ചീപുരം പുതുച്ചേരി, കടലൂര്, വിഴുപുരം തുടങ്ങിയിടങ്ങളില് കനത്ത നാശനഷ്ടമുണ്ടായി. മരങ്ങള് കടപുഴകി വീണു. പുതുച്ചേരിയില് മുഖ്യമന്ത്രി വി. നാരായണ സ്വാമിയുടെ വീട് അടക്കം നിരവധി ആളുകളുടെ വീടുകളില് വെള്ളം കയറി. 12 മണിക്കൂര് അടച്ചിട്ടതിന് ശേഷം ചെന്നൈ വിമാനത്താവളത്തിന്റെ പ്രവര്ത്തനം പുനഃരാരംഭിച്ചിട്ടുണ്ട്. പുതുച്ചേരിയില് രണ്ടായിരത്തോളം ആളുകളെ ക്യാമ്ബുകളിലേക്ക് മാറ്റിയിട്ടുണ്ടെന്നും മുഖ്യമന്ത്രി വി.നാരായണസ്വാമി അറിയിച്ചിരുന്നു.
"
https://www.facebook.com/Malayalivartha