നരേന്ദ്ര മോഡി സര്‍ക്കാരിനെതിരെ ആഞ്ഞടിച്ച് കോണ്‍ഗ്രസ്. മോഡി സര്‍ക്കാര്‍ നേതൃത്വം നല്‍കുന്ന എന്‍ഡിഎ സര്‍ക്കാരിന്റെ ഒരു വര്‍ഷം പൂര്‍ണ പരാജയമായിരുന്നുവെന്ന് കോണ്‍ഗ്രസ് പറഞ്ഞു. 2014 മേയ് മുതല്‍ ഇന്നു വരെ നടന്ന എല്ലാ സര്‍വേകളും മോഡി വാഴച്ചയ്ക്ക് പിന്തുണ കുറയുന്നതായാണ് വ്യക്തമാകുന്നത്. നല്ല ദിനങ്ങളെന്നത് പാഴ്‌വാക്കുകള്‍ മാത്രമാണെന്ന് ജനങ്ങള്‍ക്ക് മനസിലായിട്ടുണ്ട്. കള്ളപ്പണത്തിന്റെ കാര്യത്തില്‍ ബിജെപി നല്‍കിയ വാഗ്ദാനം തിരഞ്ഞെടുപ്പ് തന്ത്രമായിരുന്നുവെന്നും മുന്‍ ധനമന്ത്രി പി. ചിദംബരം പറഞ്ഞു.
വിലക്കയറ്റം നിയന്ത്രിക്കാന്‍ നടപടിയെടുക്കുമെന്ന ബിജെപിയുടെ അവകാശവാദം തെറ്റായിരുന്നു. പച്ചക്കറികളുടെയും പാലിന്റെയുമടക്കം സാധാരണക്കാര്‍ക്കാവശ്യമായ വസ്തുക്കളുടെയെല്ലാം വിലയില്‍ വന്‍വര്‍ധനവാണുണ്ടായിരിക്കുന്നത്. 2013 നവംബറിലാണ് വിലക്കയറ്റത്തിന് കുറവുണ്ടായി തുടങ്ങിയത്. യുപിഎയുടെയും എന്‍ഡിഎയുടെയും ഭാവി നിര്‍ണയിച്ചത് വിലക്കയറ്റമായിരുന്നു. എണ്ണയുടെ വിലയായിരുന്നു ഇതിന് പ്രധാന പങ്കുവഹിച്ചത് ചിദംബരം കൂട്ടിച്ചേര്‍ത്തു. വികസത്തിന് കോണ്‍ഗ്രസ് തടസ്സം നില്‍ക്കുകയാണെന്ന ആരോപണങ്ങള്‍ അദ്ദേഹം പാടെ നിഷേധിച്ചു.

ഇന്‍ഷുറന്‍സ് ബില്ലിനെ ഞങ്ങള്‍ തടഞ്ഞിരുന്നോയെന്നും കള്ളപ്പണ ബില്ലിനെ തങ്ങള്‍ എതിര്‍ത്തിരുന്നില്ലല്ലോ എന്നും ചിദംബരം ചോദിച്ചു. ഇന്നലെ നരേന്ദ്ര മോദി സര്‍ക്കാരിന്റെ വാര്‍ഷികാഘോഷങ്ങള്‍ക്കിടയില്‍ കോണ്‍ഗ്രസിനെതിരെ ശക്തമായി ആഞ്ഞടിച്ചിരുന്നു മോഡി. ദിനംപ്രതി അഴിമതികള്‍ പുറത്തുവന്നിരുന്ന യുപിഎ സര്‍ക്കാരിന്റെ കാലത്തെ ദുര്‍ദിനങ്ങള്‍ക്കു വിരാമമായെന്നുമായിരുന്നു മോഡി പറഞ്ഞിരുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha