ദക്ഷിണേന്ത്യയിലെ ശക്തമായ ഉഷ്ണക്കാറ്റില്‍ മരണസംഖ്യ 1,100 കടന്നു. ആന്ധ്രപ്രദേശിലും, തെലുങ്കാനയിലുമാണ് ഉഷ്ണക്കാറ്റ് ഏറ്റവും കൂടുതല്‍ നാശം വിതയ്ക്കുന്നത്. കഴിഞ്ഞ പത്ത് ദിവസത്തിനുള്ളില്‍ ആന്ധ്രപ്രദേശില്‍ 852 പേരാണ് ഉഷ്ണക്കാറ്റില്‍ മരിച്ചത്. തെലങ്കാനയില്‍ 269 പേരും മരിച്ചതായാണ് റിപ്പോര്‍ട്ട്.
അതേസമയം ഉഷ്ണകാറ്റിന് വരുന്ന വെള്ളിയാഴ്ചയോട് കൂടി ശമനം ഉണ്ടാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ഉത്തരേന്ത്യയിലും ആന്ധ്രയിലും വരും ദിവസങ്ങളില്‍ മഴ ലഭിക്കുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു. എന്നാല്‍ രണ്ട് ദിവസം കൂടി കാറ്റ് തുടരുമെന്നാണ് വിവരം.
ഇതേതുടര്‍ന്ന് ആന്ധ്ര, തെലുങ്കാന സര്‍ക്കാരുകള്‍ റെഡ് അലേര്‍ട്ട് പ്രഖ്യാപിച്ചിട്ടുണ്ട്. വയക്തമായ ആവശ്യങ്ങള്‍ ഇല്ലാതെ രാവിലെ ഒമ്പത് മണിക്കും നാലുമണിക്കും ഇടയ്ക്ക് പുറത്തിറങ്ങരുതെന്ന് ആന്ധ്രാപ്രദേശിലെയും തെലുങ്കാനയിലെയും ജനങ്ങള്‍ക്ക് അധികൃതര്‍ നിര്‍ദേശം നല്‍കിയിരുന്നു. രാവിലെ 11.30 മുതല്‍ നാലു മണിവരെ തുറസ്സായ സ്ഥലത്ത് ജോലി ചെയ്യുന്നത് ഒഴിവാക്കണമെന്ന് സര്‍ക്കാരുകള്‍ കര്‍ശന നിര്‍ദേശം നല്‍കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha