ബിഫ് കഴിച്ചേ മതിയാകൂ എന്നുളളവര്‍ പാകിസ്താനിലേക്ക് പോകണമെന്ന മുക്താര്‍ അബ്ബാസ് നഖ്‌വിയുടെ പ്രസ്താവനയ്ക്ക് കേന്ദ്ര ആഭ്യന്തര സഹമന്ത്രി കിരണ്‍ റിജ്ജുവിന്റെ മറുപടി. താന്‍ അരുണാചല്‍പ്രദേശില്‍ നിന്നുളളയാളാണെന്നും ബീഫ് കഴിക്കുമെന്നും പറഞ്ഞ റിജ്ജു തന്നെ ആര്‍ക്കെങ്കിലും തടയാനാവുമോയെന്നും ചോദിച്ചു.
തന്റെ സഹപ്രവര്‍ത്തകന്റെ അഭിപ്രായം അംഗീകരിക്കാനാവില്ലെന്ന നിലപാടിലാണ് റിജ്ജു. മറ്റുളളവരുടെ ആചാരങ്ങളില്‍ ഇടപെടുന്നത് അനുചിതമാണെന്നും അദ്ദേഹം കഴിഞ്ഞ ദിവസം മാധ്യമപ്രവര്‍ത്തകരോടു പറഞ്ഞു. ഇത് ജീസസിന്റെ നാടാണെന്ന് മിസോറാമിലെ ക്രിസ്തുമതവിശ്വാസി പറഞ്ഞാല്‍ പഞ്ചാബിലുളളവരും ഹരിയാനയിലുളളവരും പ്രശ്‌നമാക്കേണ്ടതില്ല. നാം ഓരോ പ്രദേശത്തിന്റെയും വികാരം മാനിക്കേണ്ടതുണ്ടെന്നും റിജ്ജു പറഞ്ഞു.
ഹിന്ദു ഭൂരിപക്ഷപ്രദേശങ്ങളില്‍ അവരുടെ വിശ്വാസങ്ങള്‍ക്ക് അനുസൃതമായും ക്രിസ്ത്യന്‍ ഭൂരിപക്ഷ പ്രദേശങ്ങളില്‍ അവരുടെ വിശ്വാസത്തിന് അനുസൃതമായും വേണം നിയമങ്ങള്‍ നിര്‍മ്മിക്കേണ്ടത്. വൈവിധ്യമുളള രാജ്യമാണ് നമ്മുടേതെന്നും ആരും മറ്റുളളവരുടെ ആചാരങ്ങളെയും വിശ്വാസങ്ങളെയും ഹനിക്കരുതെന്നും മന്ത്രി കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha