കാബൂളില് ഏറ്റുമുട്ടലില് നാലു തീവ്രവാദികള് കൊല്ലപ്പെട്ടു
അഫ്ഗാനിസ്ഥാന്റെ തലസ്ഥാനമായ കാബൂളില് നയതന്ത്ര മേഖലയിലെ അതിഥി മന്ദിരത്തില് ആക്രമണം നടത്താന് ശ്രമിച്ച നാലു തീവ്രവാദികളെ സൈന്യം വെടിവച്ചു കൊന്നു. ബുധനാഴ്ച പുലര്ച്ചെയായിരുന്നു ഹീതല് അതിഥി മന്ദിരത്തിനു നേരെ ഭീകരര് ആക്രമണം നടത്തിയത്. റോക്കറ്റ് ലോഞ്ചറുകളും ഗ്രനേഡുകളും സ്ഫോടക വസ്തുക്കളുമായാണ് തീവ്രവാദികള് കടന്നു കയറാന് ശ്രമിച്ചത്.
ആക്രമണം നടന്നയുടന് തന്നെ സൈന്യം പാഞ്ഞെത്തി പ്രത്യാക്രമണം നടത്തി ഗസ്റ്റ് ഹൗസിലേക്ക് കടക്കുന്നതില് നിന്ന് ഭീകരരെ തടയുകയായിരുന്നു. അഞ്ചു മണിക്കൂറിനു ശേഷമാണ് ഏറ്റുമുട്ടല് അവസാനിച്ചത്. 2009ലും റബ്ബാനി ഗസ്റ്റ് ഹൗസ് എന്നറിയിപ്പെടുന്ന ഹീതലില് ആക്രമണം നടന്നിരുന്നു. ആക്രമണത്തിന്റെ ഉത്തരവാദിത്തം താലിബാന് ഏറ്റെടുത്തു. ആക്രമണത്തില് സൈനികര്ക്കോ സാധാരണ ജനങ്ങള്ക്കോ ജീവഹാനിയോ പരിക്കോ ഇല്ലെന്ന് അധികൃതര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
