സഹപ്രവര്‍ത്തകയുമായി അവിഹിതബന്ധം പുലര്‍ത്തിയ പിതാവിനെ മകന്‍ അടിച്ചുകൊന്നു. ഉത്തര്‍പ്രദേശിലെ മീററ്റിലാണ് സംഭവം. ഡോ. അശോക്(46) ആണ് മകന്‍ അങ്കിത് സിങിന്റെ(20) അടിയേറ്റ് മരിച്ചത്. പിതാവിന്റെ അവിഹിത ബന്ധത്തിന്റെ പേരില്‍ ഇരുവരും നിരന്തരം വഴക്കിട്ടിരുന്നതായി അയല്‍വാസികള്‍ പോലീസിന് മൊഴി നല്‍കി.
സംഭവം അന്വേഷിച്ച പോലീസ് മാരകമായ ആയുധമുപയോഗിച്ചുള്ള അടിയേറ്റാണ് അശോക് കൊല്ലപ്പെട്ടതെന്ന് കണ്ടെത്തിയിരുന്നു. എന്നാല്‍ കൊലപാതകിയെ കുറിച്ച് പോലീസിന് സൂചനകള്‍ ലഭിച്ചിരുന്നില്ല. പിന്നീട് സംശയം തോന്നി ചോദ്യം ചെയ്തതോടെ അങ്കിത് കുറ്റസമ്മതം നടത്തുകയായിരുന്നു.
സഹപ്രവര്‍ത്തകയായ കിരണുമായി പിതാവ് തുടര്‍ന്നിരുന്ന അവിഹിത ബന്ധമാണ് കൊലപാതകത്തിന് പ്രേരിപ്പിച്ചതെന്ന് അങ്കിത് പോലീസിന് മൊഴി നല്‍കി. താന്‍ ഈ ബന്ധത്തിന് എതിരായിരുന്നു എന്നും അങ്കിതിന്റെ മൊഴിയിലുണ്ട്. പിതാവിനെ കൊലപ്പെടുത്താന്‍ അങ്കിത് ഉപയോഗിച്ച ബേസ് ബോള്‍ ബാറ്റ് ഇയാളുടെ മുറിയില്‍നിന്നും പോലീസ് പിന്നീട് കണ്ടെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha