ഗുരുതരമായ കുറ്റകൃത്യങ്ങളില്‍ ശിക്ഷിക്കപ്പെടുന്ന കുറ്റവാളികളാണെങ്കിലും മാന്യതയ്ക്കുള്ള അവകാശമുണ്ടെന്ന് സുപ്രീം കോടതി. വധശിക്ഷയ്ക്ക് വിധിക്കപ്പെടുന്നവരുടെ കാര്യത്തില്‍ അവര്‍ക്ക് നിയമപരമായ എല്ലാ പരിഹാരങ്ങള്‍ക്കും കുടുംബാംഗങ്ങളെ സന്ദര്‍ശിക്കുന്നതിനും അര്‍ഹതയുണ്ട്. ഇത് നിഷേധിച്ച് ശിക്ഷ ഏകപക്ഷീയമായും തിടുക്കത്തിലും രഹസ്യമായും നടപ്പാക്കേണ്ട കാര്യമില്ലെന്നും കോടതി നിര്‍ദേശിച്ചു.
വധശിക്ഷയ്ക്ക് വിധിച്ചു എന്നതുകൊണ്ട് ഭരണഘടനയുടെ 21ാം വകുപ്പ് ഉറപ്പ് നല്‍കുന്ന ജീവിക്കാനുള്ള അവകാശം ഇല്ലാതാകുന്നില്ല. അവരുടെ അന്തസ്സ് സംരക്ഷിക്കപ്പെടണമെന്നും ജസ്റ്റീസുമാരായ എ.കെ സിക്രിയും യു.യു ലളിതും അധ്യക്ഷരായ ബെഞ്ച് വ്യക്തമാക്കി. 2008ല്‍ ഉത്തര്‍പ്രദേശില്‍ ഏഴംഗ കുടുംബത്തെ കൂട്ടക്കൊല ചെയ്ത യുവതിയുടെയും കാമുകന്റെയും വധശിക്ഷ അസാധുവാക്കിക്കൊണ്ടായിരുന്നു കോടതിയുടെ നിര്‍ണ്ണായക വിധി.

പാര്‍ലമെന്റ് ആക്രമണക്കേസിലെ പ്രതിയായിരുന്ന അഫ്‌സല്‍ ഗുരുവിനെ 2013ല്‍ തിഹാര്‍ ജയിലില്‍ രഹസ്യമായി തൂക്കിലേറ്റിയ സര്‍ക്കാര്‍ നടപടിക്കെതിരെ മനുഷ്യാവകാശ സംഘടനകള്‍ കോടതിയെ സമീപിച്ചിരുന്നു. കുടുംബാംഗങ്ങളെ കാണാന്‍ പോലും അനുവദിക്കാതെയായിരുന്നു അഫ്‌സല്‍ ഗുരുവിന്റെ ശിക്ഷ നടപ്പാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha