പ്രാധാനമന്ത്രി മോഡി ഏത് വിദേശ രാജ്യം സന്ദര്‍ശിച്ചാലും അവിടുത്തെ പ്രമുഖനൊപ്പം നിന്ന് സെല്‍ഫിയെടുക്കും ഇതിന്റെ പിന്നിലൊരു മനശാസ്ത്രമുണ്ടെന്നാണ് വിദഗ്ദ്ധര്‍ പറയുന്നത്. അധികാരികളുടെ മനസ്സുകള്‍ തമ്മിലുള്ള ഐക്യം കൂടിയാണല്ലോ രാഷ്ട്രങ്ങള്‍ തമ്മിലുള്ള ബന്ധങ്ങളില്‍ നിര്‍ണായകമാകുന്നത്. എന്നാല്‍ മോഡിയുടെ ഈ സെല്‍ഫി ഭ്രമം വിമര്‍ശനങ്ങള്‍ക്കും കാരണമാകുന്നുണ്ട്. എന്നാല്‍ രാഹുല്‍ ഗാന്ധിയും ഇപ്പോള്‍ സെല്‍ഫി എടുക്കുന്നതില്‍ മുന്‍പന്തിയിലാണ്.
പൊതുജനങ്ങളിലേക്ക് എത്തിച്ചേരാനുള്ള സോഷ്യല്‍ മീഡിയയുടെ വിശാലമായ അവസരങ്ങള്‍ ഉപയോഗപ്പെടുത്താന്‍ കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധിയും മുന്നിലുണ്ട്. തന്റെ കേരള സന്ദര്‍ശനത്തിനിടെ ഇന്ന് സുരക്ഷാ ഉദ്യോഗസ്ഥന്മാരുടെ മേല്‍നോട്ടത്തില്‍ തന്നെ രാഹുല്‍ മത്സ്യതൊഴിലാളികളോടൊപ്പം സെല്‍ഫിക്ക് തയ്യാറായി. രണ്ടാം ദിവസം തുടരുന്ന സന്ദര്‍ശനത്തിനിടയില്‍ അണികള്‍ക്കൊപ്പം ഭക്ഷണം പങ്കിട്ടാനും അദ്ദേഹം മറന്നില്ല.
കോണ്‍ഗ്രസ് നേതാവിനൊപ്പം ചിത്രങ്ങളെടുക്കാന്‍ ആരും തയ്യാറാകാത്തതിന് പ്രധാനമന്ത്രി നരേന്ദ്ര മോദിയെ കുറ്റപ്പെടുത്തേണ്ടതില്ലെന്ന കേന്ദ്ര മന്ത്രി രവി ശങ്കര്‍ പ്രസാദ് കഴിഞ്ഞ ദിവസം ആരോപിച്ചിരുന്നു. കൂടാതെ മോദി പോകുന്ന സ്ഥലങ്ങളിലെല്ലാം അദ്ദേഹത്തോടൊപ്പം ചിത്രങ്ങളെടുക്കാന്‍ ലോകരാഷ്ട്ര തലവന്മാരടക്കം തിക്കിതിരക്കുന്നതായി അദ്ദേഹം അവകാശപ്പെട്ടു.
കാബിനറ്റിലെ മറ്റു മന്ത്രിമാരെടുത്തതിനേക്കാള്‍ കൂടുതല്‍ ചിത്രങ്ങള്‍ മോദിയുടെ സെല്‍ഫി ശേഖരത്തില്‍ കാണുമെന്നും \'സെല്‍ഫ് ലസ്\' ഗവണ്‍മെന്റിന് കൊതിച്ച ജനത്തിന് \'സെല്‍ഫി\' ഗവണ്‍മെന്റിനെ ലഭിച്ചുവെന്നും പരിഹസിച്ച ബിഹാര്‍ മുഖ്യമന്ത്രി നിതീഷ് കുമാറിനെതിരെയും ഇദ്ദേഹം ഇതേ നാണയത്തില്‍ തിരിച്ചടിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha