ആന്ധ്രപ്രദേശിലും തെലങ്കാനയിലും വീശിയടിക്കുന്ന ഉഷ്ണക്കാറ്റില്‍ മരണസംഖ്യ ഉയരുന്നു. ഇതുവരെ 1700 പേരാണ് ചൂട് താങ്ങാനാകാതെ മരിച്ചത്. തെലങ്കാനയില്‍ ഇന്നലെ മാത്രം 100 പേര്‍ മരിച്ചു. അതേസമയം, ഉഷ്ണക്കാറ്റ് രണ്ടു ദിവസം കൂടി നീണ്ടുനില്‍ക്കുമെന്ന് വൈ.കെ. റെഡ്ഡി പറഞ്ഞു.
കനത്ത വെയിലത്ത് പുറത്ത് ജോലി ചെയ്യുന്നവരാണ് മരണപ്പെട്ടവരില്‍ കൂടുതലും. പകല്‍ സമയങ്ങളില്‍ ജോലി ചെയ്യുന്നവര്‍ ധാരാളം വെള്ളം കുടിക്കണമെന്നു നിര്‍ദേശിക്കുന്നുണ്ട്. പൊതുസ്ഥലങ്ങളില്‍ കുടിവെള്ളം ലഭ്യമാക്കുമെന്ന് തെലങ്കാന പഞ്ചായത്ത്‌രാജ് മന്ത്രി കെ.ചി. രാമ റാവു പറഞ്ഞു. പകല്‍ സമയങ്ങളില്‍ പുറത്ത് ഇറങ്ങരുതെന്നും ആശുപത്രികള്‍ ആവശ്യത്തിന് ഉദ്യോഗസ്ഥരുമായി സുസജ്ജമായിരിക്കണമെന്നും റാവു പറഞ്ഞു.
ചൂട് പ്രതിരോധിക്കുന്ന തൊപ്പിയോ കുടയോ വസ്ത്രങ്ങളോ ധരിച്ചല്ലാതെ പുറത്തിറങ്ങരുതെന്ന് സംസ്ഥാന സര്‍ക്കാര്‍ മാധ്യമങ്ങളിലൂടെ അറിയിക്കുന്നുണ്ട്. കുടിക്കാന്‍ ആവശ്യത്തിനു വെള്ളവും മറ്റു അവശ്യവസ്തുക്കളും കരുതണമെന്നും നിര്‍ദേശമുണ്ട്. കുടിവെള്ള ക്യാംപുകള്‍ നഗരത്തിലെ വിവിധയിടങ്ങളില്‍ ആരംഭിക്കണമെന്ന് വിവിധ സന്നദ്ധസംഘടനകളോടും സര്‍ക്കാര്‍ സ്ഥാപനങ്ങളോടും സര്‍ക്കാര്‍ ആവശ്യപ്പെട്ടിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha