ഡല്‍ഹി സര്‍ക്കാരിനെ പിന്തുണച്ച് ഹൈക്കോടതി നല്‍കിയ ഉത്തരവ് സുപ്രീം കോടതി സ്‌റ്റേ ചെയ്തു. ലഫ്റ്റനന്റ് ഗവര്‍ണര്‍ നജീബ് ജങ്ങിന്റെ അധികാരത്തെ കുറിച്ച് ഡല്‍ഹി ഹൈക്കോടതി നടത്തിയ നിരീക്ഷണങ്ങളാണ് സുപ്രീം കോടതി സ്‌റ്റേ ചെയ്തത്. കേന്ദ്ര സര്‍ക്കാരിന്റെ ഹര്‍ജിയില്‍ ഡല്‍ഹി സര്‍ക്കാരിനും മറ്റുള്ളവര്‍ക്കും നോട്ടീസ് അയയ്ക്കാന്‍ സുപ്രീം കോടതി നിര്‍ദേശിച്ചു. മൂന്നാഴ്ചയ്ക്കുള്ളില്‍ നോട്ടീസിനു മറുപടി അയയ്ക്കണം.
ഡല്‍ഹിയിലെ ഉദ്യോഗസ്ഥ നിയമനങ്ങളില്‍ ലഫ്. ഗവര്‍ണര്‍ക്ക് ഏകപക്ഷീയ അധികാരം നല്‍കിക്കൊണ്ടുള്ള കേന്ദ്ര ആഭ്യന്തര മന്ത്രാലയ വിജ്ഞാപനത്തെ തുടര്‍ന്ന് കേന്ദ്ര-സംസ്ഥാന സര്‍ക്കാരുകള്‍ തമ്മിലുള്ള നിയമയുദ്ധത്തിന് വഴിയൊരുങ്ങിയിരിക്കുകയാണ്. ലഫ്.ഗവര്‍ണര്‍ക്ക് പൂര്‍ണ അധികാരം നല്‍കികൊണ്ടുള്ള കേന്ദ്രസര്‍ക്കാരിന്റെ വിജ്ഞാപനം സംശയാസ്പദമാണെന്നായിരുന്നു ഹൈക്കോടതിയുടെ പരാമര്‍ശം.
ഡല്‍ഹിയിലെ ഉദ്യോഗസ്ഥ നിയമനങ്ങളില്‍ ലഫ്. ഗവര്‍ണര്‍ നജീബ് ജങ്ങിന് സമ്പൂര്‍ണാധികാരം നല്‍കുന്ന വിജ്ഞാപനം കഴിഞ്ഞ ദിവസമാണു കേന്ദ്രസര്‍ക്കാര്‍ പുറത്തിറക്കിയത്. മുഖ്യമന്ത്രിയോട് കൂടിയാലോചിക്കാതെ നിയമനം നടത്തുന്നതിനുള്ള അധികാരം ലഫ്. ഗവര്‍ണര്‍ക്കുണ്ടെന്നു വിജ്ഞാപനത്തില്‍ വ്യക്തമാക്കിയിരുന്നു. ഇതിനെതിരെ ഡല്‍ഹി നിയമസഭ പ്രത്യേക സമ്മേളനം ചേര്‍ന്ന് പ്രമേയവും പാസാക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha