അതിര്‍ത്തിയിലും മറ്റും നിരീക്ഷണങ്ങള്‍ ശക്തമാക്കിയതോടെ തീവ്രവാദികള്‍ രഹസ്യ കൈമാറ്റത്തിനായി പുതിയ മാര്‍ഗ്ഗങ്ങള്‍ തേടുന്നു. അതിനായി പ്രാവുകളെയും മറ്റും ഉപയോഗിക്കുന്നതായി റിപ്പോര്‍ട്ടുകളുണ്ട്. പാക്കിസ്ഥാനില്‍ നിന്ന് ഇന്ത്യയിലേക്ക് രഹസ്യ രേഖകളുമായി പറന്നെത്തിയ പ്രാവിനെ പൊലീസ് പിടികൂടി. പഞ്ചാബിലെ പത്താന്‍കോട്ടാണ് സംഭവം. ഉറുദുവിലെഴുതിയ സന്ദേശവും പാക്കിസ്ഥാനിലെ നരോവല്‍ ജില്ലയിലെ ഒരു ടെലിഫോണ്‍ നമ്പരും പ്രാവിന്റെ കാലില്‍ ഉണ്ടായിരുന്നു. കമ്പിക്കഷണങ്ങള്‍ കാലില്‍ ചുറ്റിയിരിക്കുന്നതും അന്വേഷണ ഏജന്‍സികളുടെ സംശയം വര്‍ധിപ്പിച്ചിരിക്കുകയാണ്.
പാക്കിസ്ഥാന്‍ അതിര്‍ത്തിയില്‍നിന്നും നാലു കിലോമീറ്റര്‍ ഉള്ളിലുള്ള മന്‍വാല്‍ ഗ്രാമത്തിലെ രമേഷ് ചന്ദ്രയെന്നയാളുടെ വീട്ടുവളപ്പിലാണ് പ്രാവ് പറന്നിറങ്ങിയത്. ഉറുദു സന്ദേശം കണ്ട് സംശയം തോന്നിയ ചന്ദ്രയുടെ 14 കാരനായ മകന്‍ പ്രാവിനെ പിടികൂടി. ഇതോടെ സംശയങ്ങളുമായിയ. ഉടന്‍ പ്രാവുമായി പൊലീസ് സ്‌റ്റേഷനിലെത്തി. പ്രാവിനെ പൊലീസുകാര്‍ വിശദമായ പരിശോധനയ്ക്കുശേഷം \'ജയിലില്‍\' അടച്ചു.
പ്രാവിന്റെ കാലില്‍ മാത്രമായിരുന്നില്ല, ചിറകുകളിലും ഉര്‍ദുവിലുള്ള സന്ദേശങ്ങള്‍ പതിപ്പിച്ചിരുന്നു. എഴുത്ത് എന്താണെന്നു കണ്ടെത്തുന്നതിനായി പ്രാവിനെ വിശദ പരിശോധനയ്ക്ക് വിധേയമാക്കി. വിശദമായ അന്വേഷണം നടത്തേണ്ടത് ആവശ്യമാണെന്നും രഹസ്യന്വേഷണ വിഭാഗത്തിനും സുരക്ഷാ ഏജന്‍സികള്‍ക്കും സൈന്യത്തിനും മുന്നിറിയിപ്പ് നല്‍കിയിട്ടുണ്ടെന്നും പത്താന്‍കോട്ട് എസ്പി: രാകേഷ് കൊശല്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha