അപമാനഭാരത്തില് ഡല്ഹി: യുബര് കാബില് വീണ്ടും പീഡനശ്രമം
ഡല്ഹിയില് ഭരണത്തില് പല വിധ മാറ്റങ്ങള് വന്നിട്ടും സ്ത്രീകള്ക്കിന്നും രക്ഷയില്ലെന്ന് തെളിയിക്കുന്ന മറ്റൊരു സംഭവം കൂടി. ഡല്ഹിയില് യുബര് ഓണ്ലൈന് ബുക്കിംഗ് ടാക്സി കാബില് ധനകാര്യ സ്ഥാപനത്തിലെ ജീവനക്കാരിയെ മാനഭംഗത്തിനിരയാക്കിയ സംഭവത്തില് വിവാദം കെട്ടടങ്ങും മുന്പ് യുബര് സര്വീസ് വീണ്ടും വിവാദത്തില്. സംഭവത്തില് യു.എസ് ആസ്ഥാനമായുള്ള യുബര് കമ്പനിക്ക് പരാതി നല്കിയെങ്കിലും കമ്പനി നടപടി സ്വീകരിച്ചില്ലെന്നും യുവതിയുടെ സഹോദരന് ഫേസ്ബുക്കില് വ്യക്തമാക്കി.
ഡല്ഹിയില് നിന്നും ഗുഡ്ഗാവിലേക്ക് പോകുന്നതിനായി യുബര് ടാക്സിയില് കയറിയ തന്റെ സഹോദരിയെ െ്രെഡവറായ വിനോദ് ചുംബിക്കാനും മാനഭംഗപ്പെടുത്താനും ശ്രമിച്ചു. ഇക്കാര്യം ചൂണ്ടിക്കാട്ടി കമ്പനിക്ക് പരാതി നല്കിയെങ്കിലും ഒരു നടപടിയുമുണ്ടായില്ല. സഹോദരിയുടെ പരാതിയില് നടപടി സ്വീകരിക്കുമെന്നും ഇത്തരം കേസുകളില് കമ്പനി ഒരുതരത്തിലുള്ള വിട്ടുവീഴ്ചയ്ക്കുമില്ലെന്നും അറിയിച്ചിരുന്നതായും യുവാവിന്റെ പോസ്റ്റില് പറയുന്നു.
അതേസമയം, പരാതിയെ കുറിച്ച് അറിയില്ലെന്നാണ് യുബറിന്റെ ഇന്ത്യയിലെ പ്രതിനിധി മാധ്യമങ്ങളോട് പ്രതികരിച്ചത്. ഡല്ഹിയില് യുബര്, ഓല സര്വീസുകള് നിരോധിച്ചതാണെന്നും അവ സര്വീസ് നടത്തുന്നത് നിയമവിരുദ്ധമാണെന്നും ഡല്ഹി ഗതാഗത വകുപ്പും വ്യക്തമാക്കി.
കഴിഞ്ഞ വര്ഷം ഡിസംബറിലാണ് യുബര് ടാക്സിയിലെ ആദ്യ പീഡനവാര്ത്ത പുറത്തുവന്നത്. വടക്കന് ഡല്ഹിയിലെ സരയ് റോഹില്ലയില് ധനകാര്യ സ്ഥാപനത്തിലെ ജീവനക്കാരിയെയാണ് െ്രെഡവര് കാറിനുള്ളില് പീഡനത്തിന് ഇരയാക്കിയത്. സംഭവം വിവാദമായതോടെ രെഡവര് അറസ്റ്റിലായി. യുബര് അടക്കം നിരവധി ഓണ്ലൈന് ബുക്കിംഗ് സര്വീസുകള്ക്ക് വിവിധ സംസ്ഥാനങ്ങളില് വിലക്ക് ഏര്പ്പെടുത്തിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha