അമ്മയുടെ കാമുകനോട് മകനും സുഹൃത്തുക്കളും ചെയ്തത്?
അമ്മയുടെ കാമുകനെ തട്ടിക്കൊണ്ടു പോകാന് ശ്രമിച്ച മകനും സുഹൃത്തുക്കളും പോലീസ് പിടിയിലായി. സംഭവവുമായി ബന്ധപ്പെട്ട് നാഗ്പുരില് താമസിക്കുന്ന പതിനഞ്ചുകാരനെയും ഇയാളുടെ സുഹൃത്തുക്കളായ സുരേഷ് കോരാഡ്ക്കര് (19), പതിനേഴുകാരന് എന്നിവരെയാണ് പൊലീസ് പിടികൂടിയത്. അമ്മയുടെ കാമുകനായ പ്രദീപ് നന്ദന്വാര് എന്നയാളെയാണ് പതിനഞ്ചുകാരനും സുഹൃത്തുക്കളും ചേര്ന്ന് തട്ടിക്കൊണ്ടു പോകാന് ശ്രമിച്ചത്. പതിനഞ്ചുകാരന്റെ അമ്മയും പ്രദീപും തമ്മില് അടുപ്പത്തിലാണെന്നാണ് പൊലീസ് പറയുന്നത്. ഇക്കാര്യം പറഞ്ഞ് പതിനഞ്ചുകാരന്റ് വീട്ടില് കുടുംബപ്രശ്നങ്ങള് ഉണ്ടായി. ഇതിനെ തുടര്ന്ന് അമ്മയുടെ കാമുകനെ കുടുക്കാന് പതിനഞ്ചുകാരന് തീരുമാനിക്കുകയും കൂട്ടുകാരുമായി ചേര്ന്ന് പദ്ധതി ആസൂത്രണം ചെയ്യുകയുമായിരുന്നു.
അമ്മയുടെ കാമുകനെ കുടുക്കാന് സഹോദരിയുടെ സുഹൃത്തായ സുരേഷിനെയും മറ്റൊരു സുഹൃത്തായ പതിനേഴുകാരനെയുമാണ് പതിനഞ്ചുകാരന് ഒപ്പം കൂട്ടിയത്. ജഗന്നാഥ് ബുദ്വാരിയിലെ പ്രദീപിന്റെ ജോലി സ്ഥലത്ത് എത്തിയ മൂവര്സംഘം ഇയാളെ ബൈക്കില് ബലമായി കയറ്റിക്കൊണ്ട് പോകുകയായിരുന്നു.
എന്നാല്, യാത്രയ്ക്കിടെ പൊലീസ് പട്രോളിങ് വാഹനം കണ്ടതോടെ പ്രദീപ് ബൈക്കില് നിന്ന് ചാടുകയായിരുന്നു. ഇതോടെ മൂന്നംഗസംഘം മറ്റൊരു വഴിയിലൂടെ രക്ഷപ്പെടുകയായിരുന്നു. സംഭവം കഴിഞ്ഞതിനു പിന്നാലെ പതിനഞ്ചുകാരന്റെ അമ്മയെയും തന്റെ ബന്ധുക്കളെയും പ്രദീപ് വിവരം അറിയിച്ചിരുന്നു. അതിനുശേഷം പൊലീസിലും പരാതി നല്കുകയായിരുന്നു. തുടര്ന്ന് നടത്തിയ അന്വേഷണത്തില് മൂന്നംഗ സംഘത്തെ പൊലീസ് പിടി കൂടുകയായിരുന്നു. തട്ടിക്കൊണ്ടു പോകലുമായി ബന്ധപ്പെട്ട് പിടിയിലായ മൂന്നു പേര്ക്കും മറ്റ് ക്രിമിനല് പശ്ചാത്തലങ്ങള് ഒന്നും തന്നെയില്ലെന്ന് പൊലീസ് വ്യക്തമാക്കി. എങ്കിലും തട്ടിക്കൊണ്ടു പോകലുമായി ബന്ധപ്പെട്ട് നിയമപരമായ നടപടി സ്വീകരിക്കുമെന്ന് പൊലീസ് വ്യക്തമാക്കി.
https://www.facebook.com/Malayalivartha