പ്രധാനമന്ത്രി എന്നാല്‍ മോഡിയെ കണ്ട് പഠിക്കണം. എന്തിനും ഏതിനും മോഡി. പ്രധാനമന്ത്രിയായി ചുമതലയേറ്റശേഷം വിദേശരാജ്യസന്ദര്‍ശനങ്ങളിലൂടെ മോഡി നേടിയത് ചെറിയ തുകയല്ല. 3.11 ലക്ഷം രൂപയുടെ സമ്മാനങ്ങളാണ് നരേന്ദ്രമോദി ഇതുവരെ നേടിയെടുത്തത്. എന്നാല്‍ മുന്‍പ്രധാനമന്ത്രി മന്‍മോഹന്‍ സിംഗിനു കിട്ടിയതുവച്ച് നോക്കുമ്പോള്‍ ഇതൊന്നും ഒന്നുമല്ല. 2010 ജൂണ്‍ മുതല്‍ 2013 വരെയുള്ള വിദേശയാത്രകളില്‍ നിന്നും അദ്ദേഹത്തിനു ലഭിച്ചത് 83.72 ലക്ഷത്തിന്റെ ഉപഹാരങ്ങളാണ്. വിവരാവകാശ നിയമപ്രകാരം, വിദേശമന്ത്രാലയം നല്‍കിയതാണ് ഈ വിവരങ്ങള്‍.

ഫെബ്രുവരി 19ന് സ്വര്‍ണത്തിലും വൈരത്തിലും തീര്‍ത്ത കഫ്‌ലിങ്കുകളാണ് ഒരിടത്തുനിന്നും മോദിക്കു ലഭിച്ചത്. 75,000 രൂപ വിലമതിക്കുന്ന ഉത്പന്നങ്ങളാണിവ. തുടര്‍ന്നുള്ള യാത്രകളില്‍ ടീ സെറ്റുകള്‍, പുസ്തകങ്ങള്‍, പ്രതിമകള്‍ എന്നിങ്ങനെയുള്ള നിരവധി ഉപഹാരങ്ങളും അദ്ദേഹത്തിനു ലഭിക്കുകയുണ്ടായി. തനിക്കു ലഭിച്ച ഒരു ബുദ്ധന്റെ പ്രതിമയില്‍ എഴുതിയിരിക്കുന്ന വരികള്‍, മോദി തന്റെ പല പ്രസംഗങ്ങളിലും ഉപയോഗിച്ചിരുന്നു.

എന്നാല്‍ സമ്മാനങ്ങളുടെ കാര്യത്തില്‍ വിദേശകാര്യമന്ത്രി സുഷമാ സ്വരാജ്, മോദിയെ കടത്തിവെട്ടിയിരിക്കുകയാണ്. 4.83 ലക്ഷത്തിന്റെ സമ്മാനങ്ങളാണ് ഇതുവരെ അവര്‍ക്കു ലഭിച്ചിരിക്കുന്നത്. സാരികളാണ് പ്രധാന ശേഖരം. അതോടൊപ്പം ആഭരണങ്ങളും ചിത്രങ്ങളും ഡിന്നര്‍ സെറ്റുമൊല്ലാം പട്ടികയിലുണ്ട്. പണ്ടു പ്രതിപക്ഷത്ത് ഇരുന്നപ്പോഴും രണ്ടു ലക്ഷം രൂപ വിലമതിക്കുന്ന സമ്മാനങ്ങള്‍ സുഷമയെ തേടിയെത്തിയിരുന്നു.

എന്നാല്‍ മുന്‍ പ്രധാനമന്ത്രി മന്‍മോഹന്‍സിംഗിനു ലഭിച്ച സമ്മാനങ്ങളുടെ കണക്ക് കേട്ടാല്‍, മോദിക്ക് കിട്ടിയതൊന്നും ഒന്നുമല്ല എന്നു മനസിലാകും. 2010 മുതല്‍ 2013വരെ നടത്തിയ വിദേശപര്യടനങ്ങളില്‍ നിന്നും അദ്ദേഹത്തിനു ലഭിച്ചത് 83.72 ലക്ഷത്തിന്റെ സമ്മാനങ്ങളാണ്. 20.19 ലക്ഷത്തിന്റെ വാള്‍, 48.93 ലക്ഷത്തിന്റെ ആഭരണങ്ങള്‍, ഘടികാരങ്ങള്‍, പേനകള്‍, ശില്‍പങ്ങള്‍, സ്വര്‍ണത്തില്‍ തീര്‍ത്ത പെട്ടി എന്നിങ്ങനെ പോകുന്നു അവയുടെ പട്ടിക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha