കുഞ്ഞുണ്ടാകാത്തതിന് കുറ്റപ്പെടുത്തിയ അമ്മായിഅമ്മയോട് മരുമകള് ചെയ്തത്?
കുഞ്ഞുണ്ടാകാത്തതിന് നിരന്തരം കുറ്റപ്പെടുത്തിയ ഭര്തൃമാതാവിനെ മരുമകള് കൊലപ്പെടുത്തി. ഭര്തൃമാതാവിനെ കൊലപ്പെടുത്തിയ ശേഷം തീ കൊളുത്തി ആത്മഹത്യയ്ക്ക് ശ്രമിച്ച മരുമകളുടെ നില ഗുരുതരമാണ്. ബിഹാറിലാണ് ഞെട്ടിക്കുന്ന സംഭവം നടന്നത്. ലളിത ദേവി എന്ന യുവതിയാണ് ഭര്തൃമാതാവായ ധര്മ്മിശിലാ ദേവിയെ കൊലപ്പെടുത്തിയത്. ഒന്നിലധികം തവണയാണ് ലളിതാ ദേവി കുത്തിയത്. വീട്ടില് മറ്റാരും ഇല്ലാതിരുന്ന സമയത്തായിരുന്നു കൊലപാതകം. ശരീരത്തില് തീപടര്ന്ന നിലയില് കണ്ട ലളിതാ ദേവിയെ അയല്ക്കാരാണ് ആശുപത്രിയിലെത്തിച്ചത്. 40 ശതമാനത്തോളം പൊള്ളലേറ്റ ലളിതാ ദേവി പട്ന മെഡിക്കല് കോളേജ് ആശുപത്രിയില് ചികിത്സയിലാണ്. കഴിഞ്ഞ ഏതാനും മാസങ്ങളായി ഇവര് തമ്മിലുള്ള ബന്ധത്തില് സാരമായ പ്രശ്നങ്ങള് ഉണ്ടായിരുന്നതായി പൊലീസ് വിശദമാക്കുന്നു. ലളിതാ ദേവിയ്ക്ക് കുഞ്ഞുങ്ങള് ഉണ്ടാവാതിരുന്നതിന് ധര്മ്മിശിലാ ദേവിയില് നിന്ന് ക്രൂരമായ പരിഹാസങ്ങളും കുത്തുവാക്കുകളും ഏല്ക്കേണ്ടി വന്നിരുന്നു.
https://www.facebook.com/Malayalivartha
