പതിനാറുകാരിയെ കാരിയെ ലൈംഗീകമായി പീഡിപ്പിച്ച് ഗര്‍ഭിണിയാക്കിയ കേസില്‍ പ്രതിക്ക് പെണ്‍കുട്ടിക്ക് പ്രായപൂര്‍ത്തിയായ ശേഷം വിവാഹം കഴിക്കാമെന്ന ഉറപ്പിന്മേല്‍ പോസ്‌കോ കോടതി ജാമ്യം അനുവദിച്ചു. എന്നാല്‍ 25 കാരനായ പ്രതി വിവാഹിതനാണെന്നും പെണ്‍കുട്ടിയുടെ സമ്മതത്തോടെയാണ് ഇരുവരും ലൈംഗീക ബന്ധത്തില്‍ ഏര്‍പ്പെട്ടത് എന്നും കോടതി നിരീക്ഷിച്ചു. രണ്ട് വര്‍ഷത്തിനുള്ളില്‍ വിവാഹം ചെയ്തുകൊള്ളാമെന്ന് യുവാവ് സമ്മതിച്ചിട്ടുണ്ട്.

നേരത്തെ സംഭവത്തില്‍ പെണ്‍കുട്ടിയുടെ അമ്മ നല്‍കിയ പരാതിയില്‍ പോലീസ് കേസെടുത്തിരുന്നു. പിന്നീട്, മകളെ പ്രതി വിവാഹം കഴിക്കണമെന്ന് അമ്മ കോടതിയെ അറിയിക്കുകയായിരുന്നു. യുവാവിന്റെയും മകളുടെയും വിവാഹം നടത്താന്‍ താല്‍പര്യമുണ്ടെന്നും അമ്മ കോടതിയെ അറിയിച്ചിരുന്നു.
അതേസമയം, ജാമ്യാപേക്ഷയെ എതിര്‍ത്ത് പോലീസ് രംഗത്തുവരികയും ചെയ്തു. രണ്ടാം വിവാഹത്തിന് ആദ്യ ഭാര്യയുടെ സമ്മതം ഉണ്ടെന്നതിന് തെളിവുകള്‍ ഹാജരാക്കാത്തതിനാല്‍ ജാമ്യം അനുവദിക്കരുതെന്ന് പൊലീസ് ആവശ്യപ്പെട്ടിരുന്നു.
പ്രായപൂര്‍ത്തിയാകാത്ത പെണ്‍കുട്ടിക്ക് ഇതിന്റെ പ്രത്യാഘാതങ്ങള്‍ മനസ്സിലാക്കുവാന്‍ സാധിച്ചിട്ടില്ല പോലീസ് വ്യക്തമാക്കി. സാഹചര്യം അനാവശ്യമായി പ്രയോജനപ്പെടുത്താന്‍ ആഗ്രഹിക്കുന്നുവെന്നും പോലീസ് ആരോപിച്ചു.
25 കാരനെ മോചിപ്പിക്കണമെന്ന് ആവശ്യപ്പെട്ട് അഭിഭാഷകന്‍ കോടതിയെ അറിയിച്ചു. പ്രതിയുടെ സമുദായത്തില്‍ ഒരാളെ ഒന്നിലധികം തവണ വിവാഹം കഴിക്കാന്‍ അനുവദിച്ചു.
പിന്നീട്, ഗര്‍ഭിണിയായ വിവരം പെണ്‍കുട്ടി മറച്ചുവയ്ക്കുകയും ചെയ്തിരുന്നു. ഇക്കാര്യം പ്രതിയോട് പറഞ്ഞപ്പോള്‍ മറ്റാരോടും പറയരുതെന്ന് ഭീഷണിപ്പെടുത്തിയിരുന്നു. യുവാവിന്റെ ആദ്യ വിവാഹത്തെ കുറിച്ച് പെണ്‍കുട്ടിക്ക് അറിവില്ലായിരുന്നെന്ന് പറയാനാകില്ലെന്ന് കോടതി ചൂണ്ടിക്കാട്ടി.
ഇരുവരും ഉഭയകക്ഷി സമ്മതപ്രകാരമാണ് ലൈംഗിക ബന്ധത്തില്‍ ഏര്‍പ്പെട്ടത്. വിവാഹം കഴിക്കാനും തീരുമാനിച്ചിട്ടുണ്ട്. പെണ്‍കുട്ടിക്ക് 18 വയസ് ആകുമ്പോള്‍ വിവാഹം നടത്തുമെന്ന് രണ്ട് കൂട്ടരും കോടതിയെ അറിയിച്ചിട്ടുണ്ട്. അതിനാല്‍ പ്രതിയെ റിമാന്‍ഡില്‍ ഇടാനാകില്ലെന്ന് കോടതി വ്യക്തമാക്കി.