പെണ്കുട്ടികളുടെ അക്കൗണ്ട് ഹാക്ക് ചെയ്ത് സ്വകാര്യ ചിത്രങ്ങള് പ്രചരിപ്പിക്കുമെന്ന് ഭീഷണിപ്പെടുത്തി പണം തട്ടിയെടുത്ത 26കാരന് യുവാവ് പിടിയില്
പെണ്കുട്ടികളുടെ അക്കൗണ്ട് ഹാക്ക് ചെയ്ത് സ്വകാര്യ ചിത്രങ്ങള് പ്രചരിപ്പിക്കുമെന്ന് ഭീഷണിപ്പെടുത്തി പണം തട്ടിയ 26കാരനായ യുവാവ് ലഖ്നൗ സൈബര് പോലീസിന്റെ പിടിയിലായി. ഒരു പെണ്കുട്ടിയുടെ പരാതിയില് യുവാവിനെ പോലീസ് കസ്റ്റഡിയിലെടുത്തതോടെയാണ് കൂടുതല് വിവരങ്ങള് പുറത്തുവന്നത്. എട്ടാം ക്ലാസ് വിദ്യാഭ്യാസം മാത്രമുള്ള യുവാണ് പെണ്കുട്ടികളുടെ സ്വകാര്യ ചിത്രങ്ങളും വീഡിയോ ദൃശ്യങ്ങളും ചോര്ത്തി പണം തട്ടിയെടുത്തത് എന്നതാണ് പോലീസിനെ അത്ഭുതപ്പെടുത്തിയത്.
അക്കൗണ്ട് ഹാക്ക് ചെയ്ത് ഒരാള് പണം ആവശ്യപ്പെടുന്നുവെന്ന ഒരു യുവതിയുടെ പരാതിയാണ് വിനീത് മിശ്രയെ കുടുക്കിയത്. ഫേസ്ബുക്ക് അക്കൗണ്ട് ഹാക്ക് ചെയ്ത് സ്വകാര്യ ചിത്രങ്ങള് അടക്കമുള്ളവ പ്രതി ചോര്ത്തിയതായും ഇവ പ്രചരിപ്പിക്കാതിരിക്കാന് പണം നല്കണമെന്നും ഇയാള് ആവശ്യപ്പെട്ടുവെന്നും വ്യക്തമാക്കിയാണ് യുവതി പോലീസില് പരാതി നല്കിയത്. സൈബര് പോലീസ് നടത്തിയ പരിശോധനയിലാണ് വിനീത് മിശ്ര പിടിയിലായത്.
പിടിയിലായ വിനീത് മിശ്രയുടെ ലാപ് ടോപ് പരിശോധനയ്ക്ക് വിധേയമാക്കിയതോടെയാണ് കൂടുതല് വിവരങ്ങള് പോലീസിന് ലഭ്യമായത്. 400ലധികം പെണ്കുട്ടികളുടെ സോഷ്യല് മീഡിയ അക്കൗണ്ടുകള് യുവാവ് ഹാക്ക് ചെയ്തതായി കണ്ടെത്തി. മൊബൈല് ഫോണുകളിലും നിര്ണായക വിവരങ്ങള് ഉള്ളതായി പോലീസ് വ്യക്തമാക്കി. അന്വേഷണത്തിന്റെ ഭാഗമായി യുവാവിന്റെ ലാപ് ടോപ്പും മൊബൈല് ഫോണും ഫോറന്സിക് പരിശോധനയ്ക്കായി അയച്ച് നല്കിയെന്ന് പോലീസ് പറഞ്ഞു.
https://www.facebook.com/Malayalivartha