കുളിമുറിയില്‍ കയറി സ്ത്രീകളുടെ അടിവസ്ത്രം തട്ടിയെടുക്കുകയും കീറി നശിപ്പിക്കുകയും ചെയ്ത സംഭവത്തില്‍ യുവാവ് അറസ്റ്റില്‍. തമിഴ്‌നാട് കോയമ്പത്തൂരിലാണ് വിചിത്രസ്വഭാവിയായ മോഷ്ടാവ് പിടിയിലായത്. നേരംപോക്കിനാനാണ് ഇങ്ങനെ ചെയ്തിരുന്നതെന്ന് ഇയാള്‍ പൊലീസിനോട് പറഞ്ഞു.

കോയമ്പത്തൂരിന് അടുത്തുള്ള കോട്ടുചേരിയിലെ സുന്ദര്‍രാജു (38) എന്നയാളെയാണ് പൊലീസ് അറസ്റ്റു ചെയ്തത്. കോയമ്ബത്തൂരിലെ ഒക്കിലിപാലിയത്തില്‍ നിര്‍മാണത്തൊഴിലാളിയായി ജോലി ചെയ്യുകയായിരുന്നു ഇയാളെന്ന് പൊലീസ് പറഞ്ഞു. ജോലിക്കായി എത്തിയ സുന്ദര്‍ രാജു അതേ പ്രദേശത്ത് ഒരു മുറി വാടകയ്ക്ക് എടുത്ത് താമസം തുടങ്ങി. സഹപ്രവര്‍ത്തകരും ഇയാള്‍ക്ക് ഒപ്പം ഉണ്ടായിരുന്നു.താമസം തുടങ്ങി അഞ്ചാം ദിവസം മുതല്‍ ഇയാള്‍ വിചിത്രമായി പെരുമാറാന്‍ തുടങ്ങിയതായി സഹപ്രവര്‍ത്തകര്‍ പറയുന്നു. അതിനിടെയാണ് സമീപവാസികളായ അഞ്ചു സ്ത്രീകളുടെ അടിവസ്ത്രങ്ങള്‍ നശിപ്പിക്കപ്പെട്ടതായി പരാതി ഉയര്‍ന്നത്. കുളിമുറിയില്‍ ഇട്ടിരുന്ന അടിവസ്ത്രങ്ങളാണ് നശിപ്പിച്ച നിലയില്‍ കണ്ടെത്തിയത്. നാട്ടുകാര്‍ നടത്തിയ പരിശോധനയിലാണ് സുന്ദര്‍ രാജുവാണ് ഇതിന് പിന്നിലെന്ന് മനസിലായത്.