വാഹനാപകടം...... കേന്ദ്രസര്ക്കാര് തയ്യാറാക്കിയ പദ്ധതിക്ക് അന്തിമരൂപമായി... അജ്ഞാതവാഹനം ഇടിച്ച് പരിക്കേല്ക്കുന്നവര്ക്ക് ചികിത്സയും നഷ്ടപരിഹാരവും
വാഹനാപകടം...... കേന്ദ്രസര്ക്കാര് തയ്യാറാക്കിയ പദ്ധതിക്ക് അന്തിമരൂപമായി... അജ്ഞാതവാഹനം ഇടിച്ച് പരിക്കേല്ക്കുന്നവര്ക്ക് ചികിത്സയും നഷ്ടപരിഹാരവും . ഇതിനായി വാഹന ഇന്ഷുറന്സില്നിന്നു നിശ്ചിത ശതമാനം മാറ്റിവെക്കും. കേന്ദ്രസര്ക്കാര് തയ്യാറാക്കിയ പദ്ധതിക്ക് അന്തിമരൂപമായി.
പരിക്കേല്ക്കുന്നവര്ക്ക് 1.5 ലക്ഷം രൂപയുടെ സൗജന്യ ചികിത്സയുമുണ്ട്. ഇത്തരം കേസുകളില് നഷ്ടപരിഹാരം നല്കാന് തേര്ഡ്പാര്ട്ടി ഇന്ഷുറന്സ് പ്രീമിയത്തില് 0.1 ശതമാനം വര്ധന വരുത്തും. ഇന്ഷുറന്സ് ഇല്ലാത്ത വാഹനങ്ങളിടിച്ച് പരിക്കേല്ക്കുന്നവര്ക്ക് ചികിത്സ നല്കാന് എല്ലാ വാഹന ഇന്ഷുറന്സ് പോളിസികളിലും നിശ്ചിതശതമാനം മാറ്റിവെക്കും.
അധികപ്രീമിയം ഈടാക്കാന് കമ്പനികള്ക്ക് അനുമതി നല്കും. മുഴുവന് പോളിസികളില്നിന്നും ഈടാക്കുന്നതിനാല് വാഹന ഉടമകളെ സംബന്ധിച്ച് ഇതു ഭാരമാകില്ലെന്നാണ് വിലയിരുത്തല്. ദേശീയപാതാവിഭാഗം വിവിധ സേവനങ്ങള്ക്ക് സെസ് ഈടാക്കുന്നതും പരിഗണനയിലുണ്ട്. ഇത്തരത്തില് സ്വരൂപിക്കുന്ന തുകയില്നിന്നാകും നഷ്ടപരിഹാരവും സൗജന്യ ചികിത്സയും നല്കുക.
ആശുപത്രികളില് ചെലവാകുന്ന തുക സംസ്ഥാനസര്ക്കാരുകളുടെ സഹായത്തോടെ നല്കാനാണ് കേന്ദ്ര ഉപരിതല ഗതാഗത മന്ത്രാലയത്തിന്റെ തീരുമാനം. കാഷ്ലെസ് സംവിധാനമാണ് വിഭാവനം ചെയ്തിട്ടുള്ളത്. അപകടത്തില് പരിക്കേല്ക്കുന്നവര്ക്കെല്ലാം ഈ സൗജന്യത്തിന് അര്ഹതയുണ്ട്.
ആശുപത്രികള് ചികിത്സ നിഷേധിക്കാന് പാടില്ല. ചികിത്സ നല്കുന്ന ആശുപത്രികള്ക്ക് പിന്നീട് സര്ക്കാര് തുക നല്കും. 2019-ലെ കേന്ദ്ര മോട്ടോര്വാഹന നിയമഭേദഗതിയാണ് ഇത്തരം വ്യവസ്ഥകള് ഉള്ക്കൊള്ളിക്കാന് കേന്ദ്രസര്ക്കാരിന് അധികാരം നല്കിയത്.
പരിക്കേറ്റ ആദ്യ മണിക്കൂറുകള് നിര്ണായകമാണ്. കൃത്യമായ വൈദ്യപരിചരണം ലഭിച്ചാല് ജീവന് രക്ഷിക്കാനാകും. ഉത്തരവാദപ്പെട്ടവര് എത്തുന്നതുവരെ ചികിത്സ വൈകിപ്പിക്കുന്ന പതിവ് ചില ആശുപത്രികളിലുണ്ട്. ഇതൊഴിവാക്കാനാണ് സൗജന്യചികിത്സ നിര്ബന്ധമാക്കുന്നത്.
അപകടത്തിനിടയാക്കിയ വാഹനങ്ങള് കണ്ടെത്താന് കഴിയാത്തതാണ് മറ്റൊരു തടസ്സം. ഒട്ടേറെയാളുകള്ക്ക് ഇതുകാരണം ഇന്ഷുറന്സ് ആനുകൂല്യം നഷ്ടമാകുന്നുണ്ട്.
https://www.facebook.com/Malayalivartha
