കേന്ദ്രസര്ക്കാര് സത്യസന്ധരായ പത്രപ്രവര്ത്തകര്ക്കും എഴുത്തുകാര്ക്കുമെതിരെ തിരിയുന്നത് വസ്തുതകളെ ഭയക്കുന്നതുകൊണ്ടാണ്; ആക്ഷേപവുമായി രാഹുല് ഗാന്ധി
കേന്ദ്രസര്ക്കാര് സത്യസന്ധരായ പത്രപ്രവര്ത്തകര്ക്കും എഴുത്തുകാര്ക്കുമെതിരെ തിരിയുന്നത് വസ്തുതകളെ ഭയക്കുന്നതുകൊണ്ടാണ് എന്ന ആക്ഷേപവുമായി കോണ്ഗ്രസ് നേതാവും എം.പിയുമായ രാഹുല് ഗാന്ധി. കര്ഷക സമരം നടക്കുന്ന സിംഘു അതിര്ത്തിയില് നിന്നും രണ്ട് മാധ്യമപ്രവര്ത്തകരെ പോലീസ് അറസ്റ്റ് ചെയ്ത സംഭവത്തിൽ പ്രതികരിക്കുകയായിരുന്നു അദ്ദേഹം.
മാധ്യമപ്രവര്ത്തകരായ മന്ദീപ് പൂനിയ, ധര്മേന്ദര് സിങ് എന്നിവരെയാണ് ജനുവരി 31ന് ഡല്ഹി പൊലീസ് മര്ദ്ദിച്ച് കസ്റ്റഡിയിലെടുക്കുകയായിരുന്നു . സ്വതന്ത്ര മാധ്യമപ്രവര്ത്തകനായ മന്ദീപ് പൂനിയ 'കാരവന്' വേണ്ടിയും ഹിന്ദി ഓണ്ലൈന് മാധ്യമമായ 'ജുന്പതിന്' വേണ്ടിയും ജോലി ചെയ്യുകയാണ്. ധര്മേന്ദര് സിംഗ് 'ഓണ്ലൈന് ന്യൂസ് ഇന്ത്യ'യിലെ ജേര്ണലിസ്റ്റ് ആണ്.സംഭവത്തില് പ്രതിഷേധിച്ചുകൊണ്ടാണ് രാഹുല് ഗാന്ധി തന്റെ ട്വിറ്ററില് ഇങ്ങനെ കുറിച്ചത്. 'വസ്തുതകളെ ഭയക്കുന്നവര് സത്യസന്ധരായ പത്രപ്രവര്ത്തകരെ അറസ്റ്റ് ചെയ്യുന്നു'. സിംഘു അതിര്ത്തിയില് പോലീസ് പുനിയയെ മര്ദിച്ച് അറസ്റ്റ് ചെയ്യുന്ന വിഡിയോയും അദ്ദേഹം ട്വീറ്റിനോടൊപ്പം പങ്കുവെയ്ക്കുകയുണ്ടായി.
https://www.facebook.com/Malayalivartha
