ആശുപത്രികളില്‍ കോവിഡ് വാക്‌സിന്‍ നല്‍കുന്നതിനുള്ള സമയപരിധി ഒഴിവാക്കി
03 MARCH 2021 07:58 PM IST
മലയാളി വാര്‍ത്ത
ആശുപത്രികളില്‍ കോവിഡ് വാക്‌സിന്‍ നല്‍കുന്നതിനുള്ള സമയപരിധി ഒഴിവാക്കിയതായി കേന്ദ്ര ആരോഗ്യ മന്ത്രി ഡോ. ഹര്‍ഷവര്‍ധന്‍. കോവിഡ് വാക്‌സിന്‍ വിതരണത്തിന്റെ വേഗത വര്‍ദ്ധിപ്പിക്കാന്‍ നടപടികളുടെ ഭാഗമായാണ് ആശുപത്രികളില്‍ വാക്‌സിന്‍ വിതരണത്തിനുള്ള സമയപരിധി എടുത്തു മാറ്റിയത്. ആഴ്ചയില്‍ എല്ലാ ദിവസവും ആശുപത്രികള്‍ വഴി വാക്‌സിന്‍ ലഭിക്കുമെന്നാണ് ഹര്‍ഷ് വര്‍ദ്ധന്‍ അറിയിച്ചത്. ആശുപത്രികള്‍ക്ക് സൗകര്യ പ്രദമായ എത് സമയവും വാക്‌സിന്‍ നല്‍കാന്‍ വേണ്ടി തിരഞ്ഞെടുക്കാമെന്ന് മന്ത്രി പറഞ്ഞു. സംസ്ഥാന സര്‍ക്കാരുകളുമായി ചേര്‍ന്ന് സമയക്രമത്തില്‍ തീരുമാനം എടുക്കാം. ദിവസത്തില്‍ ഏതു നേരത്തും സൗകര്യം അനുസരിച്ചു ജനങ്ങള്‍ക്കു വാക്‌സിനെടുക്കാം. ജനങ്ങളുടെ ആരോഗ്യത്തെയും സമയത്തെയും കുറിച്ച് പ്രധാനമന്ത്രി നരേന്ദ്രമോഡിക്കു നല്ല ബോധ്യമുണ്ടെന്നും ഹര്‍ഷവര്‍ധന്‍ ട്വിറ്ററില്‍ കുറിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
