ഡല്ഹിയില് വൈദ്യുതി മുടങ്ങിയാള് ഉപഭോക്താക്കള്ക്ക് നഷ്ടപരിഹാരം
അടിക്കടിയുണ്ടാവുന്ന വൈദ്യുതിമുടക്കം മൂലം ഉപഭോക്താക്കള് നേരിടുന്ന ദുരിതത്തിന് തടയിടാന് ഡല്ഹി സര്ക്കാറിന്റെ പുതിയ നിര്ദേശം. അമ്പതു വീട്ടുകാരെങ്കിലുമുള്ള ഒരു പ്രദേശത്ത് രണ്ടുമണിക്കൂര് വൈദ്യുതി മുടങ്ങിയാല് അമ്പതു രൂപയും അതിനുശേഷമുള്ള ഓരോ മണിക്കൂറിനും നൂറു രൂപ വീതവും ഉപഭോക്താക്കള്ക്ക് നഷ്ടപരിഹാരം നല്കാന് വൈദ്യുതി വിതരണ കമ്പനികള്ക്ക് നിര്ദേശം നല്കണമെന്ന് സംസ്ഥാന വൈദ്യുതി മന്ത്രി സത്യേന്ദ്ര ജെയിന് ഡല്ഹി വൈദ്യുതി നിയന്ത്രണ കമീഷ(ഡി.ഇ.ആര്.സി)നോട് ആവശ്യപ്പെട്ടു. ഉപഭോക്താക്കളുടെ ബില്ലുകളില് ഈ തുക കിഴിച്ചു നല്കണമെന്നാണ് നിര്ദേശം. സ്വമേധയാ പിഴനല്കാന് കമ്പനികള് തയാറാവാതിരിക്കുകയും കമീഷനു പരാതി നല്കുകയും ചെയ്താല് അയ്യായിരം രൂപ പിഴ നല്കേണ്ടിവരുമെന്നും വൈദ്യുതി മന്ത്രാലയത്തിന്റെ കത്തില് പറയുന്നു.
മുടക്കമില്ലാത്ത വൈദ്യുതി വിതരണം ഈ കമ്പനികളുടെ ഉത്തരവാദിത്തമാണെന്നിരിക്കെ മണിക്കൂറുകളോളം പവര്കട്ടു പതിവാകുന്നത് അംഗീകരിക്കാനാവില്ലെന്ന് മന്ത്രി പറഞ്ഞു. പരാതി ഉയര്ന്നാല് മൂന്നു മണിക്കൂറിനകം പരിഹാരമുണ്ടാവണം. വൈദ്യുതിമുടക്ക വിവരങ്ങള് പതിനഞ്ചു ദിവസം മുമ്പ് ഡി.ഇ.ആര്.സി വെബ്സൈറ്റില് അറിയിക്കണം. ഓരോ ദിവസത്തെയും വൈദ്യുതി മുടക്ക വിവരങ്ങളും നല്കണം. കുറഞ്ഞ നിരക്കില് വൈദ്യുതി എന്ന തെരഞ്ഞെടുപ്പു വാഗ്ദാനം ആം ആദ്മി സര്ക്കാര് അധികാരത്തിലേറി ആഴ്ചകള്ക്കകം നടപ്പാക്കിയിരുന്നു. സര്ക്കാറുമായി കൂടിയാലോചിക്കാതെ ഡി.ഇ.ആര്.സി കഴിഞ്ഞ ദിവസം മുതല്വൈദ്യുതി നിരക്ക് ആറു ശതമാനം വര്ധിപ്പിച്ചു. ഈ തീരുമാനത്തിനെതിരെ നിയമനടപടി ആലോചിച്ച സര്ക്കാര്കമീഷനും വൈദ്യുതി കമ്പനികള്ക്കും കടിഞ്ഞാണിടാനാണ് പുതിയ നിര്ദേശവുമായി രംഗത്തത്തെുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
