ഏതു കേസിലും റോബര്‍ട്ട് വധേരക്കെതിരെ ആരോപണം തൊടുത്തു വിട്ടവര്‍ക്ക് മിണ്ടാട്ടം മുട്ടുന്നു. കാരണം പുറത്തുവരുന്ന റിപ്പോര്‍ട്ടില്‍ ബിജെപിയുടെ സ്വന്തം വധേരയാകുകയാണ് വസുന്ധരയുടെ മകന്‍ ദുഷ്യന്ത്.
ലളിത് മോദിയുടെ ആനന്ദ് ഹെറിറ്റേജ് ഹോട്ടല്‍സ്, മൗറീഷ്യസിലെ വില്‍ട്ടണ്‍ ഇന്‍വെസ്റ്റ്‌മെന്റ് ലിമിറ്റഡ് എന്ന സ്ഥാപനത്തില്‍ നിന്ന് വന്‍തോതില്‍ പണം സ്വീകരിച്ചതായും ഇതില്‍ 11.63 കോടി രൂപ ദുഷ്യന്ത് സിങ്ങിന്റെ നിയാന്ത് ഹെറിറ്റേജ് ഹോട്ടല്‍സിന്റെ പേരില്‍ കൈമാറിയതുമായാണ് കേസ്. ഇതില്‍ 3.8 കോടി രൂപ വായ്പയായും പിന്നീട് രണ്ടു ഘട്ടങ്ങളിലായി 815 ഓഹരികളിലൂടെയുമാണ് തുക കൈപ്പറ്റിയത്.
പത്ത് രൂപ മാത്രം വിലയുണ്ടായിരുന്ന ഓഹരി 96,180 രൂപ നിരക്കിലാണ് മോദിയുടെ സ്ഥാപനം വാങ്ങിയത്. വസുന്ധര രാജെ ആദ്യവട്ടം മുഖ്യമന്ത്രിയായിരിക്കെ പത്തുലക്ഷം രൂപ മുതല്‍മുടക്കുമായി ആരംഭിച്ചതാണ് നിയാന്ത് ഹെറിറ്റേജ് ഹോട്ടല്‍. വസുന്ധര രാജെയുടെ മകന്‍ ദുഷ്യന്ത് സിംഗിന്റെ കമ്പനിയില്‍ 11.63 കോടി രൂപ നിക്ഷേപിച്ചതായി എന്‍ഫോഴ്‌സ്‌മെന്റ് ഡയറക്ടറേറ്റിന്റെ അന്വേഷണത്തില്‍ കണ്ടെത്തിയിരുന്നു.
3.80 കോടി രൂപ വായ്പ ഇനത്തിലും പിന്നീട് രണ്ട് തവണകളായി 815 ഓഹരികളുമായാണ് തുക നിക്ഷേപിച്ചത്. ഇതുരണ്ടും കൂടിയുള്ള തുകയാണ് ആകെ 11.63 കോടി രൂപ. ലളിത് മോദിയുടെ സ്ഥാപനമായ ആനന്ദ ഹെറിറ്റേജ് ഹോട്ടല്‍സ്‌ ്രൈപവറ്റ് ലിമിറ്റഡിന്, മൗറിഷ്യസിലെ വില്‍റ്റന്‍ ഇന്‍വെസ്റ്റ്‌മെന്റ് ലിമിറ്റഡില്‍ നിന്ന് 21 കോടി രൂപയുടെ നിക്ഷേപം ലഭിച്ചിരുന്നു. ഇതില്‍ നിന്ന് 11.63 കോടി രൂപയാണ് ദുഷ്യന്തിന്റെ നിയാന്ത് ഹെറിറ്റേജ് ഹോട്ടല്‍സ്‌ ്രൈപവറ്റ് ലിമിറ്റഡില്‍ മോദി നിക്ഷേപിച്ചത്. വസുന്ധരെ രാജെ ആദ്യ തവണ മുഖ്യമന്ത്രിയായിരുന്ന സമയത്താണ് ഇടപാട് നടന്നത്.
രാജസ്ഥാനിലെ ഝലവര്‍ബാരന്‍ മണ്ഡലത്തില്‍ നിന്നുള്ള ബിജെപി എംപിയാണ് ദുഷ്യന്ത്. 2011 ആഗസ്റ്റില്‍ മോദിക്ക് ഇമിഗ്രേഷന്‍ സര്‍ട്ടിഫിക്കറ്റ് ലഭിക്കാന്‍ വസുന്ധര സഹായിച്ചതിന്റെ രേഖകള്‍ പുറത്തായി. തന്റെ പങ്ക് ഇന്ത്യന്‍ അധികാരികള്‍ക്ക് വെളിപ്പെടുത്തരുതെന്ന് നിഷ്‌കര്‍ഷിച്ചാണ് വസുന്ധര മോദിയെ സഹായിച്ചത്.
ഇതുകൊണ്ടൊക്കെയാണ് ബിജെപി വസുന്ദരയെ കൈവിടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha