അന്താരാഷ്ട്ര യോഗാ ദിനാചരണത്തിന്റെ ഭാഗമായി പ്രധാനമന്ത്രി നരേന്ദ്രമോഡി ഉള്‍പ്പടെയുള്ളവര്‍ പങ്കെടുക്കുന്ന ചടങ്ങില്‍ ആക്രണണ സാധ്യതയെന്ന് ഇന്റലിജന്‍സ് റിപ്പോര്‍ട്ട്. പറക്കുന്ന വസ്തുക്കളില്‍ നിന്നും ആക്രമണ സാധ്യതയുണ്ടായേക്കുമെന്ന് ഇന്റലിജന്‍സ് ബ്യൂറോ മുന്നറിയിപ്പ് നല്‍കിയിട്ടുണ്ട്. ഇതേ തുടര്‍ന്ന് ആകാശമാര്‍ഗമുള്ള ഭീഷണി ഒഴിവാക്കാനായി പട്ടങ്ങള്‍, ബലൂണുകള്‍, ഗ്ലൈഡറുകള്‍, സൂക്ഷ്മമായ പറക്കും വസ്തുക്കള്‍ എന്നിവ ഉപയോഗിക്കുന്നത് ഡല്‍ഹി പൊലീസ് നിരോധിച്ചു. ഇതോടൊപ്പം ചടങ്ങിന്റെ ആകാശദൃശ്യമെടുക്കാന്‍ ഡ്രോണ്‍ ഉപയോഗിക്കുന്നതും നിരോധിച്ചിട്ടുണ്ട്.
സുരക്ഷാ സംഘങ്ങളോട് അതീവ ജാഗ്രത പുലര്‍ത്താന്‍ ഇന്റലിജന്‍സ് ബ്യൂറോ നിര്‍ദ്ദേശം നല്‍കിയിട്ടുണ്ട്. യോഗദിനത്തില്‍ രാജ്പഥിലും സമീപസ്ഥലങ്ങളിലുമായി ഡല്‍ഹി പൊലീസ് ഉള്‍പ്പടെ അയ്യായിരത്തോളം ആയുധധാ യോഗാ ദിനാചരണത്തിനുള്ള അവസാനഘട്ട തയ്യാറെടുപ്പുകളിലാണ് രാജ്യം. നാളെ രാജ്പഥില്‍ നടക്കുന്ന ചടങ്ങില്‍ പ്രധാനമന്ത്രി നരേന്ദ്ര മോദി രാവിലെ 6.40ന് എത്തിച്ചേരും. ആമുഖ പ്രസംഗത്തിന് ശേഷം ഏഴ് മണിക്ക് ആരംഭിക്കുന്ന 35 മിനിറ്റ് ദൈര്‍ഖ്യമുള്ള യോഗാ പ്രദര്‍ശനത്തിലും അദ്ദേഹം പങ്കെടുക്കും.
ബാബാ രാംദേവ് ഉള്‍പ്പടെയുള്ള നാല് യോഗാവിദഗ്ധര്‍ ചടങ്ങില്‍ സന്നിഹിതരായിരിക്കും. 28 വലിയ സ്‌ക്രീനുകളിലൂടെ ഇവരുടെ യോഗാപ്രകടനങ്ങള്‍ പ്രദര്‍ശിപ്പിക്കും. അന്‍പത് രാജ്യങ്ങളില്‍ നിന്നുള്ള നൂറോളം വിദേശികളും ചടങ്ങില്‍ പങ്കെടുക്കും. മുപ്പത്തിയേഴായിരത്തോളം ജനങ്ങള്‍ രാജ്പഥില്‍ നടക്കുന്ന ചടങ്ങില്‍ പങ്കെടുക്കുമെന്നാണ് കരുതുന്നത്. ഇതിലൂടെ ഒരു സ്ഥലത്ത് നടക്കുന്ന ഏറ്റവും വലിയ യോഗാ പ്രകടനമെന്ന ഗിന്നസ് ലോക റെക്കാര്‍ഡ് നേടാനാകുമെന്ന് ഗവണ്‍മെന്റിന് വിശ്വാസമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha