ഇന്തോനേഷ്യയില്‍ ഉണ്ടായ മണ്ണിടിച്ചിലില്‍ മരിച്ചവരുടെ എണ്ണം 126 ആയി ഉയര്‍ന്നു. ഇനിയും ആളുകളെ കണ്ടെത്താന്‍ ഉണ്ടെന്ന് അധികൃതര്‍ അറിയിച്ചു. മഴ പ്രദേശത്തെ തിരച്ചില്‍ തടസ്സപ്പെടുത്തുന്നു. അഡോണാര ദ്വീപിലെ ഈസ്റ്റ് ഫ്‌ലോറസ് ജില്ലയിലാണ് ഏറ്റവും കൂടുതല്‍ നാശനഷ്ടമുണ്ടായത്. ഇതുവരെ 67 മൃതദേഹങ്ങള്‍ കണ്ടെടുത്തു. ചുറ്റുമുള്ള കുന്നുകളില്‍ നിന്ന് ഞായറാഴ്ച അതിരാവിലെ ചെളി താഴേക്ക് പതിക്കുകയും ഉറക്കത്തില്‍ ആയിരന്ന ആളുകള്‍ അതില്‍ അകപ്പെടുകയും ആയിരുന്നു. രാത്രിയില്‍ പെയ്ത മഴയെത്തുടര്‍ന്ന് നദികള്‍ കരകവിഞ്ഞൊഴുകിയതിനെത്തുടര്‍ന്ന് വെള്ളപ്പൊക്കവും ബാധിച്ചു.

നൂറുകണക്കിന് പൊലീസും സൈനികരും താമസക്കാരും നഗ്‌നമായ കൈകളും കോരികകളും ഹോവുകളും ഉപയോഗിച്ച് അവശിഷ്ടങ്ങള്‍ക്കിടയിലൂടെ ആളുകളെ തപ്പുകയാണ്. ചൊവ്വാഴ്ച, രക്ഷാപ്രവര്‍ത്തകര്‍ ഒരു ചെളി പൊതിഞ്ഞ ശരീരം പുറത്തെടുത്തിരുന്നു. സുലവേസി ദ്വീപിലെ മകാസ്സര്‍ നഗരത്തില്‍ നിന്ന് ടണ്‍ കണക്കിന് ഭക്ഷണവും മരുന്നും ഉള്ള രക്ഷാപ്രവര്‍ത്തകരെ വിന്യസിച്ചിരുന്നുവെങ്കിലും കടല്‍ ഗതാഗതത്തിന്റെ അഭാവം മൂലം അവര്‍ക്ക് എത്താന്‍ കഴിഞ്ഞില്ല. ദുരിതാശ്വാസ പ്രവര്‍ത്തനങ്ങള്‍ക്ക് പിന്തുണ നല്‍കണമെന്ന് ദേശീയ ദുരന്ത നിവാരണ ഏജന്‍സി മേധാവി ഡോണി മൊണാര്‍ഡോ സ്വകാര്യ മേഖലയോട് ആവശ്യപ്പെട്ടു.