ഛത്തീസ്ഗഡില് ന്യൂനപക്ഷ വിഭാഗങ്ങള്ക്ക് നേരെയുള്ള ആക്രമണം തുടരുന്നു, മലയാളി കന്യാസ്ത്രീയെ കെട്ടിയിട്ട് ബലാത്സംഗം ചെയ്തു
ഛത്തീസ്ഗഡ് തലസ്ഥാനമായ റായ്പൂരിലെ ആശുപത്രിയില് മലയാളി കന്യാസ്ത്രീയെ അക്രമികള് കെട്ടിയിട്ട് പീഡിപ്പിച്ചു. മണ്ഡി ഗേറ്റില് ക്രൈസ്തവസഭയുടെ കീഴില് പ്രവര്ത്തിക്കുന്ന മിഷന് ആശുപത്രിയില് വെള്ളിയാഴ്ച അര്ധരാത്രിയോടെയാണു സംഭവം. ജില്ലാ ആശുപത്രിയില് ചികില്സയിലാണ് കന്യാസ്ത്രീ.
കണ്ണൂര് സ്വദേശിനിയായ ഇവരെ രണ്ടുപേര് ചേര്ന്നാണ് ആക്രമിച്ചതെന്നു പൊലീസ് അറിയിച്ചു. മാനഭംഗം നടന്നിട്ടുണ്ടാവാമെന്നാണ് സൂചന. ഇക്കാര്യം സ്ഥിരീകരിക്കാന് മെഡിക്കല് റിപ്പോര്ട്ടിനായി കാത്തിരിക്കുകയാണ് പൊലീസ്. അജ്ഞാതരായ പ്രതികള്ക്കെതിരെ കേസ് രജിസ്റ്റര് ചെയ്ത് അന്വേഷണം ആരംഭിച്ചു.
48 വയസ്സുള്ള ഇവര് താമസിച്ച ആശുപത്രിയിലെ മുറിയിലേക്കു സംഘം അതിക്രമിച്ചുകയറുകയായിരുന്നു. അക്രമിസംഘം മുഖംമൂടി ധരിച്ചിരുന്നുവെന്നു കന്യാസ്ത്രീ പോലീസിന് മൊഴി നല്കി. മൂന്നുപേര് ആശുപത്രിയില് രാത്രി ഡ്യൂട്ടിക്ക് ഉണ്ടായിരുന്നെങ്കിലും ഇവര് സംഭവം അറിഞ്ഞില്ല. കന്യാസ്ത്രീയെ മുറിയില് കെട്ടിയിട്ട നിലയില് രാവിലെയാണ് കണ്ടത്.
മുന്വൈരാഗ്യമോ മോഷണശ്രമമോ ആയിരിക്കാം ആക്രമണത്തിനു പിന്നിലെന്നു പൊലീസ് സംശയിക്കുന്നു. എന്നാല്, ആശുപത്രിയില് കവര്ച്ച നടന്നിട്ടില്ലെന്ന് അധികൃതര് അറിയിച്ചു. ഒരുവര്ഷം മുന്പാണ് ഇവര് റായ്പൂരിലെത്തിയത്. ആശുപത്രി ജോലികളില് സഹായിച്ചിരുന്ന ഇവര്, സഭയ്ക്കു കീഴിലുള്ള സ്കൂളില് പഠിപ്പിക്കുകയും ചെയ്തിരുന്നു.പ്രതികളെ ഉടന് അറസ്റ്റ് ചെയ്യണമെന്നാവശ്യപ്പെട്ടു യൂത്ത് കോണ്ഗ്രസ്, സിപിഐ(എം) എന്നിവയുടെ നേതൃത്വത്തില് ഇന്നലെ ഒരുമണിക്കൂറോളം റായ്പൂരില് റോഡ് ഉപരോധിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
