കോവിഡിന്റെ രണ്ടാംതരംഗം രൂക്ഷമായതോടെ സ്വദേശത്തേക്ക് മറുനാടന് തൊഴിലാളികളുടെ കൂട്ടപാലായനം.... ലോക്ഡൗണ് വന്നേക്കുമെന്ന ആശങ്കയില് തൊഴിലാളികള്
കോവിഡിന്റെ രണ്ടാംതരംഗം രൂക്ഷമായതോടെ സ്വദേശത്തേക്ക് മറുനാടന് തൊഴിലാളികളുടെ കൂട്ടപാലായനം.... ലോക്ഡൗണ് വന്നേക്കുമെന്ന ആശങ്കയില് തൊഴിലാളികള്.
ലോക്ഡൗണ് വന്നേക്കാമെന്ന ആശങ്കയും നഗരമേഖലയില് തൊഴിലില്ലായ്മ കൂടിയതുമാണ് ഡല്ഹി, മുംബൈ, ചെന്നൈ എന്നിവിടങ്ങളില്നിന്നുള്ള പലായനത്തിനു കാരണം.
കഴിഞ്ഞതവണ മുന്നറിയിപ്പില്ലാതെ രാജ്യവ്യാപക ലോക്ഡൗണ് പ്രഖ്യാപിച്ചപ്പോഴുണ്ടായ ദുരിതത്തിന്റെ ഓര്മകളും ഇവരെ തൊഴിലിടങ്ങള് വിട്ട് നാട്ടിലേക്കു പോകാന് പ്രേരിപ്പിക്കുന്നു. നഗരം വിടുന്നവരുടെ തിരക്കുകാരണം മുംബൈയില് നിന്ന് പശ്ചിമബംഗാള്, ബിഹാര്, ഉത്തര്പ്രദേശ് എന്നിവിടങ്ങളിലേക്ക് റെയില്വേ പ്രത്യേക വണ്ടികള് ഓടിച്ചുതുടങ്ങി.
മധ്യ റെയില്വേയും പശ്ചിമ റെയില്വേയും മഹാരാഷ്ട്രയുടെ വിവിധഭാഗങ്ങളില്നിന്ന് ഒരാഴ്ചയ്ക്കിടെ അമ്പതിലേറെ പ്രത്യേക വിണ്ടികള് ഓടിച്ചു. ഇവയിലേറെയും ബിഹാര്, യു.പി. എന്നിവിടങ്ങളിലേക്കാണ്.
വെള്ളിയാഴ്ച വൈകീട്ടുമുതല് തിങ്കളാഴ്ച രാവിലെവരെ വാരാന്ത്യ ലോക്ഡൗണ് പ്രഖ്യാപിച്ചതോടെയാണ് തൊഴിലാളികള് സ്വന്തം നാടുകളിലെത്താന് തിടുക്കം കാട്ടിത്തുടങ്ങിയത്. എന്നാല്, തൊഴിലാളികളുടെ തിരക്കല്ല, സാധാരണ വേനല്ക്കാലത്തുണ്ടാകാറുള്ള തിരക്കാണ് ഇപ്പോഴുള്ളതെന്നാണ് റെയില്വേ പറയുന്നത്.
ചെന്നൈയില് നൂറുകണക്കിനാളുകളാണ് ചെന്നൈ സെന്ട്രല് റെയില്വേ സ്റ്റേഷനുമുന്നില് കാത്തുനില്ക്കുന്നത്. ഹൗറ, പട്ന, ലഖ്നൗ, ഗുവാഹാട്ടി, ഭുവനേശ്വര് എന്നിവിടങ്ങളിലേക്കു മടങ്ങുന്ന തൊഴിലാളികളാണിവര്.
കഴിഞ്ഞതവണത്തെ ലോക്ഡൗണില് നാടുകളിലെത്താന് കിലോമീറ്ററുകളോളം നടക്കേണ്ടിവന്ന മറുനാടന് തൊഴിലാളികളില് എണ്പതോളംപേര് ആഹാരമില്ലാതെയും നിര്ജലീകരണംകാരണവും മരിച്ചെന്നാണ് റിപ്പോര്ട്ട്. റോഡപകടങ്ങളിലും ഒട്ടേറെപ്പേര് മരിച്ചു.
https://www.facebook.com/Malayalivartha
