കണ്ണീരോടെ, നിസ്സഹായരായി ബന്ധുക്കളും മിത്രങ്ങളും..... ഡല്ഹിയില് മൃതദേഹങ്ങളുമായി ഇരുപതു മണിക്കൂര് വരെയാണു പൊരിവെയിലത്തും ഇരുളിലും ഊഴവും കാത്ത്... ശ്മശാനങ്ങളില്നിന്ന് ശ്മശാനങ്ങളിലേക്കും ദഹിപ്പിക്കാനവസരം കിട്ടുംവരെ മൃതദേഹം സൂക്ഷിക്കാന് ശീതീകരണ സംവിധാനം തേടിയും ഉള്ള കരളലിയിക്കുന്ന യാത്രകള്...
കണ്ണീരോടെ, നിസ്സഹായരായി ബന്ധുക്കളും മിത്രങ്ങളും..... ഡല്ഹിയില് മൃതദേഹങ്ങളുമായി ഇരുപതു മണിക്കൂര് വരെയാണു പൊരിവെയിലത്തും ഇരുളിലും ഊഴവും കാത്ത്... ശ്മശാനങ്ങളില്നിന്ന് ശ്മശാനങ്ങളിലേക്കും ദഹിപ്പിക്കാനവസരം കിട്ടുംവരെ മൃതദേഹം സൂക്ഷിക്കാന് ശീതീകരണ സംവിധാനം തേടിയും ഉള്ള കരളലിയിക്കുന്ന യാത്രകള്...
ഒരുക്കിയ ചിതകളില് കാര്മികന്റെ നിര്ദേശങ്ങള്ക്കു പകരം ജീവനക്കാരുടെ കോവിഡ് പ്രോട്ടോകോള് തീരുമാന പ്രകാരമുള്ള അന്ത്യകര്മങ്ങള്.
ഡല്ഹിയിലെ സുഭാഷ് നഗര് ശ്മശാനത്തില് സാധാരണ ഒരുദിവസം 40-50 മൃതശരീരങ്ങള് വരുന്ന ഇവിടെ ചൊവ്വാഴ്ച ഉച്ചയോടെ മാത്രം എത്തിയത് എണ്പതിലധികം മൃതദേഹങ്ങളാണ്. പുലര്ച്ചെ തുടങ്ങിയതാണ്.
വിറകുവെട്ടുകാരനായ രാജ്പാല് റായിയും കൂട്ടരും ഉച്ചയാകുമ്പോഴേക്കും തളര്ന്നു കഴിഞ്ഞു. വളരെ നല്ല യന്ത്രം ഉപയോഗിച്ചിട്ടുപോലും ജോലിഭാരം ഇരട്ടിയിലധികമാണിപ്പോഴെന്ന് റായി നിസ്സഹായനാവുന്നു. മുത്തശ്ശിയുടെ മൃതദേഹത്തിന് അന്ത്യകര്മങ്ങള് യഥാവിധി ചെയ്യാനായില്ലെന്നതായിരുന്നു ശ്മശാനത്തിനു പുറത്തെ കസേരയിലിരുന്നു വിതുമ്പിയ കൗശിക് എന്ന യുവാവിന് പങ്കുവെക്കാനുണ്ടായിരുന്നത്.
ഡല്ഹി മുനിസിപ്പല് കോര്പ്പറേഷനു കീഴിലെ 26 ശ്മശാനങ്ങളിലെയും സ്ഥിതിയിതാണ്. മൃതദേഹങ്ങളുടെ നീണ്ട വരി. ദഹിപ്പിക്കാന് ആവശ്യത്തിന് തറകളില്ല.
ഗാസിപ്പുര് ശ്മശാനത്തില് വാഹനം പാര്ക്കു ചെയ്യുന്ന സ്ഥലത്ത് 20 തറകള്കൂടി പണിതു. വസീറാബാദില് 10-ഉം. സീമാപുരിയിലും പാര്ക്കിങ് മേഖലയെ സംസ്കാരത്തിനായി ഉപയോഗിച്ചു തുടങ്ങി.
ഓക്സിജന് ലഭ്യതയില് അല്പം ആശ്വാസമുണ്ടെങ്കിലും ഡല്ഹിയില് മരണനിരക്കിനു കുറവൊന്നുമില്ല. അതേസമയം ഡല്ഹിയിലെ വിവിധ ആശുപത്രികളില് അടുത്ത മാസം 44 ഓക്സിജന് പ്ലാന്റുകള് സ്ഥാപിക്കുമെന്ന് മുഖ്യമന്ത്രി അരവിന്ദ് കേജരിവാള്.
സംസ്ഥാനത്ത് കോവിഡ് രോഗികള് ശ്വാസംകിട്ടാതെ പിടഞ്ഞുമരിക്കുന്നത് തുടരുന്നതിനിടെയാണ് തീരുമാനം. തായ്ലന്ഡില് നിന്ന് 18 ക്രയോജനിക് ടാങ്കറുകളും ഫ്രാന്സില് നിന്ന് 21 ഓക്സിജന് പ്ലാന്റുകളും ഇറക്കുമതി ചെയ്യുമെന്നും മുഖ്യമന്ത്രി അറിയിച്ചു.
ഓക്സിജന് ലഭ്യതക്കുറവ് മൂലമുള്ള പ്രശ്നം പരിഹരിക്കപ്പെട്ടെന്നും രണ്ട് ദിവസത്തിനുള്ളില് സ്ഥിതി ഗണ്യമായി മെച്ചപ്പെടുമെന്നും അദ്ദേഹം കൂട്ടിച്ചേര്ത്തു. ഓക്സിജന് ക്ഷാമം പരിഹരിക്കുന്നതിനായി എട്ട് ഓക്സിജന് പ്ലാന്റുകള് കേന്ദ്ര സര്ക്കാര് നിര്മിക്കും.
അടുത്ത ഒരുമാസത്തിനുളളില് 36 പ്ലാന്റുകള് ഡല്ഹി സര്ക്കാറും നിര്മിക്കുന്നുണ്ട്. ഇതില് 21 പ്ലാന്റുകളാണ് ഫ്രാന്സില് നിന്ന് വരുന്നത്. 15 എണ്ണം തദ്ദേശീയമായി നിര്മിക്കുന്നതാണെന്നും കേജരിവാള്.
"
https://www.facebook.com/Malayalivartha
