LCA തേജസ്സിന് വേണ്ടി ഡിആർഡിഓ വികസിപ്പിച്ച മെഡിക്കൽ ഓക്സിജൻ പ്ലാന്റ് (MOP) സാങ്കേതിക വിദ്യ നിലവിൽ കോവിഡ്-19 രോഗികൾ നേരിടുന്ന രൂക്ഷമായ ഓക്സിജൻ ക്ഷാമം പരിഹരിക്കാൻ സഹായകരമാകും.

ഒരു മിനിറ്റിൽ 1000 ലിറ്റർ ഓക്സിജൻ ഉല്പാദിപ്പിക്കാൻ ശേഷിയുള്ള (LPM) ഓക്സിജൻ പ്ലാന്റ് ഒരു ദിവസം 195 സിലിണ്ടറുകൾ ചാർജ് ചെയ്യും. 5 LPM എന്ന ഫ്ലോ റേറ്റിൽ 190 രോഗികൾക്ക് ഇതുമൂലം ഓക്സിജൻ നൽകാൻ സാധിക്കും.

ടാറ്റ അഡ്വാൻസ്ഡ് സിസ്റ്റംസ് ലിമിറ്റഡ്, ബംഗളുരു, ട്രൈഡന്റ് ന്യൂമാറ്റിക്സ് പ്രൈവറ്റ് ലിമിറ്റഡ്, കോയമ്പത്തൂർ എന്നിവർക്ക് MOP സാങ്കേതിക വിദ്യ കൈമാറി കഴിഞ്ഞു. ഈ രണ്ട് കമ്പനികൾ രാജ്യത്തുടനീളം വിവിധ ആശുപത്രികളിൽ 380 പ്ലാന്റുകൾ സ്ഥാപിക്കും.

CSIR-ഇൻറ്റെ ഡെറാഡൂണിലുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് പെട്രോളിയം, വ്യവസായങ്ങളുമായി സഹകരിച്ഛ് 500 LPM ശേഷിയുള്ള 120 പ്ലാന്റുകളും സ്ഥാപിക്കും.

എം‌ഒ‌പി സാങ്കേതികവിദ്യ ഉപയോഗിച്ച്, മറ്റ് സ്ഥലങ്ങളിൽ നിന്ന് ലഭിക്കുന്നതിനെ ആശ്രയിക്കാതെ ചെലവ് കുറഞ്ഞ രീതിയിൽ ആശുപത്രികളിൽ തന്നെ മെഡിക്കൽ ഓക്സിജൻ ഉത്പാദിപ്പിക്കാൻ കഴിയും.പെട്ടെന്ന് എത്തിപ്പെടാൻ കഴിയാത്ത പ്രദേശങ്ങളിൽ സ്ഥിതിചെയ്യുന്ന ആശുപത്രികൾക്ക് ഇത് ഗുണം ചെയ്യും.

അതേ സമയം രാജ്യത്ത് വിതരണം ചെയ്ത വാക്സിൻ ഡോസ്കളുടെ ആകെ എണ്ണം 14.78 കോടി കടന്നു. ഇന്ന് രാവിലെ ഏഴ് മണി വരെയുള്ള താൽക്കാലിക കണക്കുപ്രകാരം 21,18,435 സെഷനുകളിലായി 14,78,27,367 വാക്സിൻ ഡോസ് വിതരണം ചെയ്തു.

കഴിഞ്ഞ 24 മണിക്കൂറിനുള്ളിൽ 25 ലക്ഷത്തിലധികം ഡോസുകളാണ് നൽകിയത്. വാക്സിനേഷൻ യജ്ഞത്തിന്റെ 102-മത് ദിവസം (ഏപ്രിൽ 27 , 2021) 25,56,182 ഡോസ് വാക്സിൻ വിതരണം ചെയ്തു.

രാജ്യത്ത് ഇതുവരെ 1,48,17,371 പേർ രോഗ മുക്തരായി. 82.33% ആണ് രോഗമുക്തി നിരക്ക്. കഴിഞ്ഞ 24 മണിക്കൂറിൽ 2,61,162 പേർ രോഗ മുക്തരായി. കഴിഞ്ഞ 24 മണിക്കൂറിൽ രാജ്യത്ത് 3,60,960 പുതിയ കേസുകൾ റിപ്പോർട്ട് ചെയ്തു.

മഹാരാഷ്ട്ര, ഉത്തർപ്രദേശ്, ഡൽഹി, കർണാടക, കേരളം, ഛത്തിസ്ഗഢ് , പശ്ചിമ ബംഗാൾ , തമിഴ്‌നാട്, ഗുജറാത്ത്, രാജസ്ഥാൻ എന്നീ 10 സംസ്ഥാനങ്ങളിലാണ് പുതിയ രോഗികളുടെ 73.59 ശതമാനവും.

മഹർഷ്‌ട്രയിലാണ് ഏറ്റവും കൂടുതൽ പ്രതിദിന കേസുകൾ - 66,358 . ഉത്തർപ്രദേശിൽ 32,921 ഉം കേരളത്തിൽ 32,819 കേസുകളും റിപ്പോർട്ട് ചെയ്തു. ഇന്ത്യയിലെ ചികിത്സയിലുള്ള ആകെ രോഗികളുടെ എണ്ണം 29,78,709. ആയി.

ഇത് രാജ്യത്ത് ആകെ രോഗികളുടെ എണ്ണത്തിന്റെ 16.55 % ആണ്. ദേശീയ മരണനിരക്ക് കുറയുന്നു, നിലവിൽ ഇത് 1.12% ആണ്.. കഴിഞ്ഞ 24 മണിക്കൂറിൽ 3,293 മരണം റിപ്പോർട്ട് ചെയ്തു.

ഇവയിൽ 78.53 %വും 10 സംസ്ഥാനങ്ങളിൽ നിന്ന് ആണ്. മഹാരാഷ്ട്രയിലാണ് ഏറ്റവും കൂടുതൽ മരണം-895. ഡൽഹിയിൽ 381 പേരുടെയും മരണം കഴിഞ്ഞ 24 മണിക്കൂറിൽ റിപ്പോർട്ട് ചെയ്തു.