സ്പുട്നിക് വാക്സിന് അടുത്ത ആഴ്ചമുതല് വിപണിയില് ലഭ്യമാകും; വില 995.40 രൂപ; 91.6 ശതമാനം ഫലപ്രാപ്തി ഉള്ള വാക്സിന്; ഇന്ത്യയില് അനുമതി ലഭിക്കുന്ന മൂന്നാമത്തെ വാക്സിന്
ഇന്ത്യയില് ഇറക്കുമതി ചെയ്യുന്ന റഷ്യയുടെ സ്പുട്നിക് വാക്സിന് അടുത്ത ആഴ്ചമുതല് വിപണിയില് ലഭ്യമാകും. ഡോസിന് 995.40 രൂപയാകും വാക്സിന്റെ വില. വാക്സീന് ഇന്ത്യയില് നിര്മിക്കുന്ന ഡോ. റെഡ്ഡീസ് ലബോറട്ടറീസ് ആണ് ഇക്കാര്യം അറിയിച്ചത്. 91.6 ശതമാനം ഫലപ്രാപ്തി ഉള്ള സ്പുട്നിക് ഇന്ത്യയില് അനുമതി ലഭിക്കുന്ന മൂന്നാമത്തെ വാക്സീനാണ്.
ഇറക്കുമതി ചെയ്യുന്ന വാക്സീനുകള്ക്ക് ഡോസ് ഒന്നിന് അഞ്ചു ശതമാനം ജിഎസ്ടി കൊടുക്കണം. അതേസമയം, ഇന്ത്യയില്ത്തന്നെ നിര്മിക്കുന്ന സ്പുട്നിക് വാക്സീന് വില കുറയുമെന്നും ഡോ. റെഡ്ഡീസ് ലബോറട്ടറീസ് വ്യക്തമാക്കി. അടുത്തയാഴ്ച മുതല് വാക്സീന് വിപണിയില് ലഭ്യമാകും. വാക്സീന്റെ ആദ്യ ബാച്ച് മേയ് ഒന്നിന് ഇന്ത്യയില് എത്തിയിരുന്നു. ലോകത്ത് ഏറ്റവും ഉയര്ന്ന ഫലപ്രാപ്തി ഉറപ്പുനല്കുന്ന മൂന്നു വാക്സീനുകളില് ഒന്നാണിത്. ഫൈസറിന്റെയും മോഡേണയുടെയും വാക്സീനുകളാണ് മറ്റുള്ളവ.
വാക്സീന്റെ ആദ്യ ഡോസ് ഇന്നു ഹൈദരാബാദില് നല്കി. ഡോ. റെഡ്ഡീസ് ലബോറട്ടറീസിന്റെ കസ്റ്റം ഫാര്മ സര്വീസസ് മേധാവി ദീപക് സപ്രയ്ക്കാണ് ആദ്യ ഡോസ് നല്കിയത്.
https://www.facebook.com/Malayalivartha