നൊന്തു പ്രസവിച്ച കുഞ്ഞിന് സെക്കൻഡ് ഹാൻഡ് കാറിന്റെ വിലപോലും നൽകാത്ത അച്ഛനും അമ്മയും കുഞ്ഞിനെ മറ്റൊരാൾക്ക് വിറ്റു . കുഞ്ഞിന്റെ മുത്തശ്ശിയുടെ പരാതിയെ തുടർന്നാണ് സംഭവം പുറം ലോകം അറിഞ്ഞത്

കുഞ്ഞിൻ്റെ മതാപിതാക്കൾക്കെതിരെയാണ് പരാതി. ഉത്തർപ്രദേശിലെ കന്നൗജിലെ തിർവ്വ പൊലീസ് സ്റ്റേഷൻ പരിധിയിലാണ് സംഭവം നടന്നത്... ഒന്നര ലക്ഷം രൂപയ്ക്കാണ് ദമ്പതികൾ തങ്ങളുടെ ആൺകുട്ടിയെ വിൽപ്പന നടത്തിയത്.

സെക്കൻഡ് ഹാൻഡ് കാർ വാങ്ങാൻ മൂന്ന് വയസ് പ്രായമുള്ള കുഞ്ഞിനെ ഗുർസഹൈഗഞ്ച് ആസ്ഥാനമായുള്ള ഒരു ബിസിനസുകാരന് 1.5 ലക്ഷം രൂപയ്ക്ക് വിറ്റതായാണ് മുത്തശ്ശി പൊലീസിൽ നൽകിയ പരാതിയിൽപ്പറയുന്നത്.

ദമ്പതികൾ അടുത്തിടെ ഒരു സെക്കൻഡ് ഹാൻഡ് കാർ വാങ്ങിയതായും കുഞ്ഞ് ഇപ്പോഴും ബിസിനസ് കാരൻ്റെ കൈവശമുണ്ടെന്നും ഇൻസ്പെക്ടർ കോട്‌വാലി ശൈലേന്ദ്ര കുമാർ മിശ്ര പറഞ്ഞതായി ടൈംസ് ഓഫ് ഇന്ത്യയാണ് റിപ്പോർട്ട് ചെയ്തത്