ചെന്നൈ കേന്ദ്രീകരിച്ച്‌​ ഇംഗ്ലീഷ്​ പത്രങ്ങള്‍ക്കു വേണ്ടി പ്രവര്‍ത്തിച്ചിരുന്ന യുവ പത്ര പ്രവര്‍ത്തകന്‍ പ്രദീപ്​ കുമാര്‍ (28) കോവിഡ്​ ബാധിച്ച്‌​ മരിച്ചു. കോവിഡ്​ ചികിത്സാ കേന്ദ്രത്തിലെ ശോചനീയാവസ്​ഥ പ്രദീപ്​ കുമാര്‍ ചിത്രങ്ങള്‍ സഹിതം ട്വീറ്റ്​ ചെയ്​തത്​ കഴിഞ്ഞ ആഴ്​ചയായിരുന്നു. പ്രദീപി​ന്റെ ട്വീറ്റിനെ തുടര്‍ന്ന്​ ചെന്നൈ കോര്‍പറഷേന്‍ ക്ഷമ ചോദിക്കുകയും ചികിത്സാ കേന്ദ്രം ശുചീകരിക്കുകയും ചെയ്​തിരുന്നു.

ചെന്നൈ വേലച്ചേരിയിലെ ഗുരുനാനാക്​ സ്​കൂള്‍ കോവിഡ്​ സെന്‍ററില്‍ ചികിത്സയിലായിരുന്നു പ്രദീപ്​ കുമാറും മാതാവും. ശുചീകരിക്കാത്ത മൂത്രപ്പുരകളും കെട്ടിക്കിടക്കുന്ന മലിനജലവുമെല്ലാം ചിത്ര സഹിതമാണ്​ പ്രദീപ്​ ട്വീറ്റ്​ ചെയ്​തത്​. ചെന്നൈ കോര്‍പറേഷന്‍ ഉടനെ ക്ഷമ ചോദിക്കുകയും ശുചീകരിക്കുകയും ചെയ്​തു.

കഴിഞ്ഞ തെരഞ്ഞെടുപ്പില്‍ വേലച്ചേരിയില്‍ നിന്ന്​ വിജയിച്ച കോണ്‍ഗ്രസി​െന്‍റ അസന്‍ മൗലാനയും ക്ഷമേ ചോദിച്ച്‌​ രംഗത്തെത്തിയിരുന്നു. ശുചീകരിക്കാനുള്ള സംഘം പുറപ്പെട്ടുവെന്ന്​ ആദ്യം ട്വീറ്റ്​ ചെയ്​ത അദ്ദേഹം ശുചീകരിച്ച ശേഷം ചിത്രങ്ങള്‍ സഹിതം 'പ്രിയ സഹോദരാ, പരിഹരിച്ചിരിക്കുന്നു' എന്നുും ട്വീറ്റ്​ ചെയ്​തു.

പ്രമേഹ രോഗികള്‍ക്ക്​ ഹാനികരമായ അളവില്‍ മധുരം ചേര്‍ത്താണ്​​ കോവിഡ്​ സെന്‍റില്‍ ഭക്ഷണം നല്‍കുന്നതെന്നും തന്നെ പോലുള്ളവര്‍ക്ക്​ അത്​ പ്രശ്​നമാണെന്നും പ്രദീപ്​ ട്വീറ്റ്​ ചെയ്​തിരുന്നു. നേരത്തെ ഇന്ത്യന്‍ എക്​സ്​പ്രസ്​, ഡെക്കാന്‍ ക്രോണിക്ക്​ള്‍ എന്നിവക്കു വേണ്ടി പ്രവര്‍ത്തിച്ചിരുന്ന പ്രദീപ്​ ഇപ്പോള്‍ ഹിന്ദു പത്രത്തിന്​ വേണ്ടി ഫീച്ചറുകള്‍ തയാറാക്കുന്ന ജോലിയാണ്​ ചെയ്​തിരുന്നത്​.