പുതുച്ചേരിയില്‍ യുവാവ് ഭാര്യയെ തലയ്ക്കടിച്ചു കൊലപ്പെടുത്തിയതിൽ ഞെട്ടിയിരിക്കുകയാണ് പ്രദേശവാസികൾ. പുതുച്ചേരി മേട്ടുപാളയത്താണ് സംഭവം നടന്നിരിക്കുന്നത്. പ്രദേശത്തെ പാല്‍ വില്‍പനക്കാരയ ബാബുരാജാണ് ഇത്തരത്തിൽ ക്രൂരമായ കൊലപാതകം നടത്തിയത്. മേട്ടുപാളയം പൊലീസ് പിന്നീട് ബാബുവിനെ അറസ്റ്റ് ചെയ്യുകയുണ്ടായി.

ഇതിനുപിന്നാലെ പൊലീസിനു മുമ്പാകെ നടത്തിയ കുറ്റസമ്മതത്തിലാണ് ക്രൂരകൊലയുടെ കാരണം പുറത്ത് വന്നത്. ഇയാള്‍ക്കു തനറെ ഭാര്യയെ അടിമുടി സംശയമായിരുന്നു. തന്നെക്കാള്‍ സൗന്ദര്യമുള്ള ഭാര്യ തന്നെ ഉപേക്ഷിച്ചു പോകുമോയെന്ന ഭയം ഇയ്യാളെ ദിനംപ്രതി അലട്ടിയിരുന്നു.

സംശയം മൂലം അയല്‍വാസികളോടു സംസാരിക്കുന്നതു പോലും ഭാര്യയെ ഇയാള്‍ വിലക്കിയിരുന്നു. സൗന്ദര്യമില്ലാത്തിന്റെ പേരില്‍ ഉപേക്ഷിക്കുമോയെന്ന സംശയത്തെ തുടര്‍ന്നായിരുന്നു കൊലപാതകം എന്നാണ് ഇയ്യാൾ പൊലീസിന് നൽകിയ മൊഴിയിൽ വ്യക്തമാക്കിയിട്ടുള്ളത്. യുവാവ് ഭാര്യ മറ്റുള്ളവരോടു സംസാരിക്കുന്നതും ഇടപഴകുന്നതും സംബന്ധിച്ചു വഴക്കുണ്ടാക്കുന്നതും പതിവായിരുന്നു എന്നും അയൽവാസികൾ പറയുകയുണ്ടായി.

ഇതിനുപിന്നാലെ ദിവസങ്ങള്‍ക്കു മുമ്പ് രതികല ഭര്‍ത്താവുമായി പിണങ്ങി ചെന്നൈയിലെ സ്വന്തം വീട്ടിലേക്കു മടങ്ങിയിരുന്നു. എന്നാല്‍ കാമുകനെ കാണാനാണു രതികല പോയതെന്ന സംശയത്തില്‍ തൊട്ടടുത്ത ദിവസം ബാബു ചെന്നൈയിലെത്തി ഭാര്യയെ കൂട്ടികൊണ്ടുവരുകയും ചെയ്തിരുന്നു.

പിന്നാലെ ഇതിനെ കുറിച്ചുള്ള സംസാരം വഴക്കായി മാറി. തര്‍ക്കം ഒടുവില്‍ ആക്രമണത്തിലെത്തിയിരുന്നു. പിന്നാലെയാണ് ഗ്രൈന്‍ഡര്‍ മെഷീനിന്റെ കല്ലെടുത്ത് ബാബു ഭാര്യയുടെ തലയ്ക്കടിച്ചു വീഴ്ത്തിയത്. കുട്ടികളുടെ കരച്ചില്‍കേട്ട് ഓടിയെത്തിയ അയല്‍വാസികള്‍ യുവതിയെ ആശുപത്രിയിലെത്തിച്ചെങ്കിലും രക്ഷിക്കാൻ സാധിച്ചിരുന്നില്ല.