കോവിഡ്-19 ചികിത്സയ്ക്കായി ഡി.ആര്.ഡി.ഒ വികസിപ്പിച്ച 2-ഡിജി മരുന്നുകള് വിപണിയിലേക്ക്; ഓരോ പാക്കറ്റിനും 990 രൂപ; കേന്ദ്ര - സംസ്ഥാന സര്ക്കാരുകള്ക്ക് കുറഞ്ഞ വിലയ്ക്ക് മരുന്ന് ലഭ്യമാക്കുമെന്ന് അധികൃതര്
കോവിഡ്-19 ചികിത്സയ്ക്കായി ഡിഫന്സ് റിസര്ച്ച് ഡെവലപ്മെന്റ് ഓര്ഗനൈസേഷന് (ഡിആര്ഡിഒ) വികസിപ്പിച്ചെടുത്ത 2-ഡിജി മരുന്നുകള് വിപണിയിലേക്ക്. ഡോ. റെഡ്ഡീസ് ലാബ് വിപണിയിലെത്തിക്കുന്ന മരുന്നിന് ഓരോ പാക്കറ്റിനും 990 രൂപ നിരക്കിലാണ് വിപണിയിലെത്തുക. കേന്ദ്ര - സംസ്ഥാന സര്ക്കാരുകള്ക്ക് കുറഞ്ഞ വിലയ്ക്ക് മരുന്ന് ലഭ്യമാക്കുമെന്ന് അധികൃതര് അറിയിച്ചതായി വാര്ത്ത ഏജന്സിയായ എഎന്ഐ റിപ്പോര്ട്ട് ചെയ്യുന്നു
ഡിആര്ഡിഒ വികസിപ്പിച്ച മരുന്നിന്റെ 10000 പാക്കറ്റുകള് ഉടന് തന്നെ വിപണിയിലെത്തിക്കുമെന്ന് കേന്ദ്ര പ്രതിരോധ മന്ത്രി രാജ്നാഥ് സിംഗ് കഴിഞ്ഞ ദിവസം വ്യക്തമാക്കിയിരുന്നു. ഡിആര്ഡിഒ വികസിപ്പിച്ച 2-ഡിജി മരുന്ന് കോവിഡ് പ്രതിരോധത്തില് നിര്ണായകമായിരിക്കുമെന്ന് കര്ണാടക ആരോഗ്യ മന്ത്രി ഡോ. കെ സുധാകര് വ്യക്തമാക്കി.
2- ഡയോക്സി - ഡി - ഗ്ലൂക്കോസ് എന്നതാണ് 2ഡിജി എന്നതിന്റെ പൂര്ണരൂപം. കൊവിഡ് ചികിത്സയ്ക്ക് ഉപയോഗിക്കാവുന്ന മരുന്ന് ഡിആര്ഡിഒയുടെ കീഴിലുള്ള ഗവേഷണ സ്ഥാപനമായ ഇന്സ്റ്റിറ്റ്യൂട്ട് ഓഫ് ന്യൂക്ലിയര് മെഡിസിന് ആന്റ് അലൈഡ് സയന്സസ് (ഐഎന്എംഎഎസ്) ആണ് വികസിപ്പിച്ചെടുത്തത്. ഹൈദരാബാദ് ആസ്ഥാനമായ ഫാര്മ കമ്ബനിയായ ഡോ. റെഡ്ഡീസ് ലാബുമായി സഹകരിച്ചായിരുന്നു ഉദ്പാദനം. മരുന്നിന്റെ ക്ലിനിക്കല് പരീക്ഷണം നടത്തിയതില് നിന്നും കോവിഡുമായി ബന്ധപ്പെട്ട ചികിത്സക്ക് ഫലപ്രദമാണെന്ന് കണ്ടെത്തിയിരുന്നു. കൃത്രിമ ഓക്സിജന് ആവശ്യമുള്ള രോഗികള്ക്ക് മരുന്നിന്റെ ഉപയോഗത്തിലൂടെ നല്കുന്ന കൃത്രിമ ഓക്സിജന്റെ അളവ് കുറക്കാനും സാധിക്കും. 2-ഡിജി നല്കിയ ഭൂരിഭാഗം രോഗികളിലും ആര്ടിപിസിആര് ടെസ്റ്റിനുശേഷം കോവിഡ് നെഗറ്റീവ് ആയതായി കണ്ടെത്തിയിരുന്നു.
https://www.facebook.com/Malayalivartha
