യാസ് ചുഴലിക്കൊടുങ്കാറ്റ്; നാശനഷ്ടങ്ങള് വിലയിരുത്താന് പ്രധാനമന്ത്രി നരേന്ദ്രമോദി വിളിച്ചുചേര്ത്ത യോഗത്തില് പങ്കെടുക്കാതെ ബംഗാള് മുഖ്യമന്ത്രി മമതാ ബാനര്ജി; മമതയുടെ പെരുമാറ്റം ഫെഡറല് തത്വങ്ങള്ക്ക് നിരത്താത്തതാണെന്ന് കേന്ദ്രം
യാസ് ചുഴലിക്കൊടുങ്കാറ്റ് വിതച്ച നാശനഷ്ടങ്ങള് വിലയിരുത്താന് പ്രധാനമന്ത്രി നരേന്ദ്രമോദി വിളിച്ചുചേര്ത്ത യോഗത്തില് ബംഗാള് മുഖ്യമന്ത്രി മമതാ ബാനര്ജി പങ്കെടുത്തില്ല.പ്രധാനമന്ത്രിക്ക് നാശനഷ്ടങ്ങളുടെ റിപ്പോര്ട്ട് കൈമാറിയ ശേഷം അവലോകന യോഗത്തില് പങ്കെടുക്കാതെ മമത മടങ്ങി.
ബംഗാള് മുഖ്യമന്ത്രിയുടെ പെരുമാറ്റം അസാധാരണമാണെന്നും ഫെഡറല് തത്വങ്ങള്ക്ക് നിരത്താത്തതാണെന്നും കേന്ദ്രം കുറ്റപ്പെടുത്തി. യാസ് ചുഴലിക്കാറ്റ് വീശിയടിച്ച ഒഡിഷ, ബംഗാള് സംസ്ഥാനങ്ങളില് ആകാശനിരീക്ഷണം നടത്തിയ ശേഷമാണ് കലൈകുണ്ടയില് പ്രധാനമന്ത്രി എത്തിയത്. പ്രധാനമന്ത്രി പങ്കെടുത്ത അവലോകന യോഗത്തില് ബംഗാള് സംസ്ഥാന സര്ക്കാറിനെ പ്രതിനിധീകരിച്ച് ഒരാള് പോലും പങ്കെടുത്തില്ലെന്ന് കേന്ദ്രസര്ക്കാര് അറിയിച്ചു.
https://www.facebook.com/Malayalivartha
