ബിസിനസ് ക്ലാസിൽ ചത്ത വവ്വാൽ!!; യു.എസിലേക്ക് പുറപ്പെട്ട എയര് ഇന്ത്യ വിമാനം ഡല്ഹിയില് തിരിച്ചിറക്കി
ബിസിനസ് ക്ലാസ് ക്യാബിനില് ചത്ത നിലയില് വവ്വാലിനെ കണ്ടെത്തിയതിനെ തുടര്ന്ന് യു.എസിലേക്ക് പുറപ്പെട്ട എയര് ഇന്ത്യ വിമാനം ഡല്ഹിയില് തിരിച്ചിറക്കി. ഡല്ഹി രാജ്യാന്തര വിമാനത്താവളത്തില് നിന്ന് യുഎസിലെ നൊവാര്ക്കിലേക്ക് തിരിച്ച വിമാനമാണ് ടേക്ക് ഓഫിനു ചെയ്ത് 30 മിനിറ്റിന് ശേഷം തിരിച്ചിറക്കിയത്. ബിസിനസ് ക്ലാസ് ക്യാബിനില് വവ്വാവിനെ കണ്ടെത്തിയെന്ന വിവരം അറിഞ്ഞ ഉടന് തന്നെ പൈലറ്റ് എ.ടി.സിയെ ബന്ധപ്പെട്ടു. വിമാനം സുരക്ഷിതമായി ഡല്ഹിയില് തിരിച്ചിറക്കുകയായിരുന്നു.
വ്യാഴാഴ്ച പുലര്ച്ചെ നൊവാര്ക്കിലേക്ക് യാത്ര പുറപ്പെട്ട എയര് ഇന്ത്യ A1-105 വിമാനത്തിലാണ് സംഭവം. വവ്വാലിനെ പിടികൂടാന് വന്യജീവി ഉദ്യോഗസ്ഥരെയാണ് വിളിച്ചത്. പിന്നീട് വവ്വാലിനെ ചത്ത നിലയില് കണ്ടെത്തി. തുടര്ന്ന് വിമാനം അണു വിമുക്തമാക്കിയ ശേഷം യാത്രക്കാരെ മറ്റൊരു വിമാനത്തില് നൊവാര്ക്കില് എത്തിച്ചു.
മൂന്നാമെതാരാളില് നിന്നായിരിക്കും വവ്വാല് വിമാനത്തിനുള്ളിലെത്തിയതെന്ന റിപ്പോര്ട്ട് നല്കിയ എന്ജിനിയറിങ് ടീമിനെതിരേ അന്വേഷണത്തിനും ഉത്തരവിട്ടു. കാറ്ററിങ്ങിനുള്ള ലോഡിങ് വാഹനങ്ങളില് നിന്നാണ് എലികളും വവ്വാലുകളും വരാറുള്ളത്. അതിനാല് അത്തരം വാഹനങ്ങളില് നിന്നാകും വിമാനത്തില് വവ്വാല് കയറാന് സാധ്യതയെന്നും എയര് ഇന്ത്യ അധികൃതര് വാര്ത്ത ഏജന്സിയോട് പറഞ്ഞു.
https://www.facebook.com/Malayalivartha
