സോഷ്യൽമീഡിയയിലൂടെ പ്രണയത്തിലാകുന്നതും ഒടുവിൽ തേപ്പ് കിട്ടുന്ന നിരവധിപേർ നമുക്ക് ചുറ്റുമുണ്ട്. എന്നാൽ വിവാഹത്തിൽ നിന്നും പിന്മാറിയതിനാൽ ഒരു മുട്ടൻ പണി കൊടുത്തിരിക്കുകയാണ് മധ്യപ്രദേശിലെ കാമുകൻ.

വിവാഹത്തിനു വിസമ്മതിച്ചതിൻ്റെ പേരിൽ യുവതിയുടെ നഗ്നദൃശ്യങ്ങള്‍ കാമുകൻ ബന്ധുക്കള്‍ക്ക് അയച്ചു നല്‍കിയതായി ആരോപണം. ഓൺലൈനിൽ പരിചയപ്പെട്ട യുവതിയ്ക്കെതിരെയാണ് മധ്യപ്രദേശിൽ യുവാവിൻ്റെ ക്രൂരത. യുവതി വിവാഹത്തിന് വിസമ്മതിച്ചതാണ് പ്രതിയെ കുറ്റകൃത്യത്തിലേയ്ക്ക് നയിച്ചതെന്നാണ് ദേശീയ മാധ്യമങ്ങൾ റിപ്പോർട്ട് ചെയ്തിരിക്കുന്നത്.

മധ്യപ്രദേശിലെ കോളാറിലാണ് സംഭവം നടന്നത്. വിവാഹിതയായ യുവതിയാണ് പ്രതിയുടെ ചൂഷണത്തിന് ഇരയായതും. ഇരുവരും തമ്മിൽ ഓൺലൈനിലായിരുന്നു പരിചയപ്പെട്ടത്. എന്നാൽ യുവതി വിവാഹത്തിന് വിസമ്മതിച്ചതോടെ ഇയാള്‍ യുവതിയുടെ നഗ്നദൃശ്യങ്ങള്‍ അവരുടെ ബന്ധുക്കള്‍ക്ക് അയച്ചു നല്‍കുകയായിരുന്നു. സംഭവത്തിൽ യുവതിയുടെ പരാതിയിലാണ് ഇയാള്‍ക്കെതിരെ കേസെടുത്തത്.

ഒരു ലൈവ് വീഡിയോ ഷെയറിങ് പ്ലാറ്റ്ഫോം വഴിയാണ് പ്രതിയുമായി പരിചയപ്പെട്ടതെന്നാണ് യുവതി പോലീസിനു നല്‍കിയിരിക്കുന്ന പരാതിയിൽ പറയുന്നത്. വര്‍ക്ക് ഫ്രം ഹോമിൻ്റെ ഭാഗമായാണ് ഈ ആപ്ലിക്കേഷൻ ഫോണിൽ ഇൻസ്റ്റാള്‍ ചെയ്തത്.

യുവാവുമായി സൗഹൃദത്തിലായതിനെ തുടര്‍ന്ന് ഇരുവരും മൊബൈൽ നമ്പറുകളും പരസ്പരം കൈമാറുകയായിരുന്നു. ഇരുവരും തമ്മിൽ തുടര്‍ന്ന് സെക്സ് ചാറ്റുകള്‍ നടത്തിയിരുന്നതായും നഗ്നരായി വീഡിയോ കോള്‍ ചെയ്തിരുന്നതായും യുവതി ആരോപിച്ചു. എന്നാൽ ഇതിൻ്റെ ദൃശ്യങ്ങളാണ് പിന്നീട് പ്രതി യുവതിയെ ഭീഷണിപ്പെടുത്താനായി ഉപയോഗിച്ചത്.

തന്നെ വിവാഹം ചെയ്യണമെന്ന് യുവാവ് ആവശ്യപ്പെട്ടെങ്കിലും ഈ ആവശ്യം യുവതി നിഷേധിക്കുകയായിരുന്നു. ഇതേത്തുടര്‍ന്ന് ഈ ദൃശ്യങ്ങള്‍ പ്രതി യുവതിയുടെ ഭര്‍ത്താവിനും മറ്റു ബന്ധുക്കള്‍ക്കും അയച്ചു നല്‍കുകയായിരുന്നുവെന്ന് റിപ്പോര്‍ട്ടിൽ പറയുന്നു.

യുവതിയുടെ പരാതിയിൽ ഐടി ആക്ട് പ്രകാരവും ഐപിസിയിലുെ വിവിധ വകുപ്പുകള്‍ ഉപയോഗിച്ചും പോലീസ് കേസ് രജിസ്റ്റര്‍ ചെയ്തു. അന്വേഷണം തുടരുകയാണെന്ന് ഉദ്യോഗസ്ഥർ അറിയിച്ചു.