നിസാര വഴക്കിനെ തുടര്‍ന്ന്​ കൗമാരക്കാരന്‍ 24കാരിയായ ത്യന്റെ പങ്കാളിയെ ദാരുണമായി കൊലപ്പെടുത്തി. വ്യാഴാഴ്​ച അന്ധേരി പൊലീസ്​ സ്​റ്റേഷന്‍ പരിധിയിലാണ്​ കൃത്യം നടന്നത്.

​24 കാരിയായ ജ്യോതി ഗൗഡയാണ്​ കൊല്ലപ്പെട്ടത്​. കൊലപാതകത്തിന്​ ശേഷം പശ്ചിമ ബംഗാളിലേക്ക്​ രക്ഷപ്പെടാന്‍ ശ്രമിച്ച പ്രതി നിയാസ്​ അന്‍സാരിയെ 24 മണിക്കൂറിനുള്ളില്‍ പൊലീസ്​ പിടികൂടുകയും ചെയ്തു.

മാലിന്യം ശേഖരിക്കുന്ന ജോലി ചെയ്​തിരുന്ന ജ്യോതിയും അന്‍സാരിയും മീര റോഡ്​ പ്രദേശത്തെ വ​ഴിയരികിലായിരുന്നു താമസം. ജോലിയുടെ ഭാഗമായി ഇരുവരും എല്ലാ ദിവസവും നഗരത്തിലേക്ക് യാത്ര ചെയ്തിരുന്നു. മെയ് 27 ന് രാത്രി ഏഴു മണിയോടെ മറ്റൊരു കാമുകി-കാമുകന്‍മാര്‍ക്കൊപ്പം അന്ധേരി (കിഴക്ക്) പരിസരത്ത് എത്തി.

നിസ്സാരമായ വഴക്കിനെ തുടര്‍ന്ന്​ അന്‍സാരി ജ്യോതിയെ സമീപത്തെ​ മെട്രോ റെയില്‍ സ്റ്റേഷന് താഴെയുള്ള പുരുഷന്മാരുടെ ശുചിമുറിക്കരികിലേക്ക്​​ ഓടിച്ചു. ശുചിമുറിയുടെ വാതില്‍ അകത്ത് നിന്ന് പൂട്ടിയ പ്രതി ജ്യോതിയുടെ തല വെള്ളത്തി​െന്‍റ ടാപ്പില്‍ ഇടിച്ച്‌​ പരിക്കേല്‍പിച്ചു. ഗുരുതരമായി പരിക്കേറ്റ ജ്യോതി മരിച്ചു.

ശുചിമുറിയിലെ ജീവനക്കാരനെ തള്ളിമാറ്റിയ ശേഷം അന്‍സാരി അവിടെ നിന്ന്​ രക്ഷ​െപ​ട്ടു. ഇയാളാണ്​ പൊലീസിനെ വിവരമറിയിച്ചത്​. സി.സി.ടി.വി ദൃശ്യങ്ങളുടെ സഹായത്തോടെ ഇവര്‍ക്കൊപ്പമുണ്ടായിരുന്ന ​മറ്റേ കമിതാക്കളെ കണ്ടെത്തുകയും അവരിലൂടെ അന്‍സാരിയിലേക്ക്​ എത്തുകയുമായിരുന്നു പൊലീസ്​.

വെള്ളിയാഴ്ച പശ്ചിമ ബംഗാളിലേക്ക് രക്ഷപ്പെടാനുള്ള ശ്രമത്തിനിടെ ജോഗേശ്വരി പ്രദേശത്തെ ഒളിത്താവളത്തില്‍ നിന്നാണ്​ അന്‍സാരിയെ പോലീസ് അറസ്റ്റ് ചെയ്തത്.