തമിഴ്നാട്ടില് നുഴഞ്ഞുകയറ്റ ഭീഷണി ; സുരക്ഷ ശക്തമാക്കി, കേന്ദ്ര രഹസ്യാന്വേഷണ ഏജന്സി നല്കിയ മുന്നറിയിപ്പിനെ തുടര്ന്ന് ജാഗ്രത നിര്ദേശം...
നുഴഞ്ഞുകയറ്റ ഭീഷണിയെ തുടര്ന്ന് തമിഴ്നാട്ടില് വന്സുരക്ഷ ഏർപ്പെടുത്തി. ശ്രീലങ്കയില് നിന്ന് സായുധ സംഘം നുഴഞ്ഞുകയറാന് ശ്രമിക്കുന്നുവെന്ന് കേന്ദ്ര രഹസ്യാന്വേഷണ ഏജന്സി നല്കിയ മുന്നറിയിപ്പിനെ തുടര്ന്നാണ് ജാഗ്രത നിര്ദേശം പുറപ്പെടുവിച്ചത്. കന്യാകുമാരി, തൂത്തുക്കുടി, രാമേശ്വരം, ചെന്നൈ എന്നിവിടങ്ങളില് പൊലീസിനെ വിന്യസിച്ചു.
സായുധ സംഘം അടങ്ങിയ ബോട്ടാണ് രാമേശ്വരം തീരത്തേക്ക് പോയതെന്ന് രഹസ്യാന്വേഷണ വൃത്തങ്ങള് അറിയിച്ചിരിക്കുന്നത്. എന്നിരുന്നാലും ഇവരുടെ കൃത്യമായ ഐഡന്റിറ്റിയും സംഘടനയും വ്യക്തമല്ലെന്നും അധികൃതര് പറഞ്ഞു. സംസ്ഥാനം വഴി തീരപ്രദേശങ്ങളിലേക്ക് പോകുന്ന എല്ലാ പ്രധാന റോഡുകളിലും പൊലീസിനെ വിന്യസിച്ചിട്ടുണ്ട്.
പൊലീസ് സുരക്ഷാ നടപടികള് ശക്തമാക്കിയതോടെ കപ്പലുകള് തമിഴ്നാട് തീരത്ത് എത്തിച്ചേരാനുള്ള ശ്രമത്തെയും തടയാനും സാധിക്കും. കേന്ദ്ര രഹസ്യാന്വേഷണ ഏജന്സിയുടെ മുന്നറിയിപ്പിനെ തുടര്ന്ന് സംസ്ഥാനത്തെ തീരപ്രദേശങ്ങളില് ജാഗ്രത പാലിച്ചതായി കേരള പൊലീസിന്റെ രഹസ്യാന്വേഷണ വൃത്തങ്ങൾ വ്യക്തമാക്കി.
https://www.facebook.com/Malayalivartha
