മുംബൈ നഗരത്തിലെ ബേക്കറി വഴി കഞ്ചാവ്​ നിറച്ച കേക്ക്​ വിറ്റതിന്​ സ്​ത്രീ ഉള്‍പ്പെടെ മൂന്നുപേരെ നാര്‍ക്കോട്ടിക്​സ്​ കണ്‍ട്രോള്‍ ബ്യൂറോ അറസ്​റ്റ്​ ചെയ്​തു. പുതുതലമുറയില്‍ ഇത്തരം കേക്കുകളുടെ ഉപയോഗം വര്‍ധിച്ചതോടെയാണ്​ ഉദ്യോഗസ്​ഥര്‍ അന്വേഷണം നടത്തിയത്​.

കഞ്ചാവ്​ ചേര്‍ത്താണ്​ കേക്കുള്‍ തയാറാക്കിയിരുന്നത്​. ഭക്ഷ്യയോഗ്യമായ കഞ്ചാവ്​ കേക്ക് നിര്‍മിച്ചതിന്​ ഇന്ത്യയിലെ ആദ്യത്തെ കേസാണ് ഇതെന്ന് എന്‍‌.സി.‌ബി മുംബൈ പറഞ്ഞു. റെയ്​ഡില്‍ 830 ഗ്രാം കേക്കും 160 ഗ്രാം കഞ്ചാവും പിടിച്ചെടുത്തു.

ശനിയാഴ്​ച രാത്രി മലാഡ്​ ഭാഗത്തുനിന്നാണ്​​ കേക്കുള്‍ കണ്ടെത്തിയത്​​. പ്രതികളെ ചോദ്യം ചെയ്യല്‍ തുടരുകയാണ്​. ഇവിടെനിന്ന്​ ആരാണ്​ ഇത്തരം കേക്കുകള്‍ വാങ്ങുന്നത്​, ഇതിന്​ പിന്നിലെ ബുദ്ധികേന്ദ്രം ആരാണ്​ തുടങ്ങിയ കാര്യങ്ങളിലാണ്​ അന്വേഷണം നടക്കുന്നത്​.