വ്യാപം കുംഭകോണം, ദുരൂഹ മരണത്തിന് പിന്നാലെ ജി.എസ്.വി.എം മെഡിക്കല് കോളജിലെ എട്ട് വിദ്യാര്ത്ഥികളെ കാണാതായി
മധ്യപ്രദേശിലെ വ്യാപം നിയമന തട്ടിപ്പില് അന്വേഷണം തുടരുന്നതിനിടെ ജി.എസ്.വി.എം മെഡിക്കല് കോളജിലെ എട്ടു വിദ്യാര്ത്ഥികളെ കാണാതായി റിപ്പോര്ട്ട്. 2013ലെ വ്യാപം മെഡിക്കല് എന്ട്രന്സ് പരീക്ഷയില് പങ്കുണ്ടെന്ന് സംശയിക്കുന്ന വിദ്യാര്ത്ഥികളെയാണ് കാമ്പസില് നിന്ന് കാണായിരിക്കുന്നത്. ഇവരെകുറിച്ച് മെഡിക്കല് കോളജ് മാനേജ്മെന്റിനും രക്ഷിതാക്കള്ക്കും വിവരമില്ല. ഇവര് അറസ്റ്റിലായിരിക്കുകയോ ജാമ്യത്തില് പുറത്തിറങ്ങി മുങ്ങിയതായിരിക്കുകയോ ചെയ്യാമെന്നാണ് കോളജ് അധികൃതര് പറയുന്നത്.
2009 മുതല് 1024 വരെ പ്രവേശനം നേടിയ 54 വിദ്യാര്ത്ഥികളെയാണ് അന്വേഷണ സംഘം ആരോപണത്തിന്റെ മുള്മുനയില് നിര്ത്തിയത്. ഇവരില് 22 പേര് കുറ്റവിമുക്തരായി തിരികെ കോളജില് എത്തി. ആറു പേര് ഇപ്പോഴും ജയിലിലാണ്. എട്ടു പേരെ കാണാതായിട്ടുണ്ട്. അവശേഷിക്കുന്ന 18 പേര് 2009 ബാച്ചിലെ വിദ്യാര്ത്ഥികളാണ്. ഇവര് കോഴ്സ് പാസ്സായി പുറത്തുപോയി. ഇവരെ കുറിച്ചുള്ള വിവരം അന്വേഷണ സംഘത്തിന് നല്കിയിട്ടുണ്ടെങ്കിലും അവരുടെ ഇപ്പോഴത്തെ അവസ്ഥയെ കുറിച്ച് അറിവില്ലെന്നും കോളജ് അധികൃതര് അറിയിച്ചു.
വ്യാപം കേസില് ഇവര്ക്ക് പങ്കുള്ളതായി സര്ക്കാര് നിയോഗിച്ച പ്രത്യേക ദൗത്യ സേന കണ്ടെത്തിയിരുന്നു. 2010 മുതല് 2014 വരെയുള്ള ബാച്ചുകളിലെ വിദ്യാര്ത്ഥികളെയാണ് കാണാതായത്. കഴിഞ്ഞ ഏതാനും മാസങ്ങളായി ഇവര് കഌസുകളില് എത്തുന്നില്ല. ഇവരെ കുറിച്ച് എന്തെങ്കിലും വിവരം രക്ഷിതാക്കളോ പോലീസോ നല്കിയിട്ടില്ല. കേസില് കുറ്റവിമുക്തരായ 22 ഓളം കുട്ടികള് തിരികെ കോളജില് പ്രവേശിച്ചിട്ടുണ്ട്. ജയിലില് കഴിഞ്ഞ സമയത്ത് അവര്ക്ക് നഷ്ടമായ പരീക്ഷകളും പ്രാക്ടിക്കല് പരീക്ഷകളും നടത്തുന്നതിന് അനുമതി നല്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
