''മു​പ്പ​ത്​ വ​ര്‍​ഷം മുമ്പ്​ ഞ​ങ്ങ​ള്‍ വ​ന്ന ഡ​ല്‍​ഹി​യ​ല്ല ഇ​ത്. ഇ​വി​ടം പൊ​ടു​ന്ന​നെ അ​ന്യ​ദേ​ശ​മാ​യി മാ​റി​പ്പോ​യി. ഞ​ങ്ങ​ള്‍ ഇ​വി​ടം വി​ട്ടു​പോ​യേ മ​തി​യാ​വൂ.'' ഡ​ല്‍​ഹി ജീ​വി​തം മ​ടു​ത്ത്​ പ്ര​മു​ഖ ക​വി കെ. ​സ​ച്ചി​ദാ​ന​ന്ദ​ന്‍ ​ഫേ​സ്​​ബു​ക്കി​ല്‍ എ​ല്ലാ​വ​രോ​ടു​മാ​യി പ​റ​ഞ്ഞു. അ​തി​നോ​ട്​ ഒ​​ട്ടേ​റെ​ പേ​രാ​ണ്​ വേ​ദ​ന​യോ​ടെ പ്ര​തി​ക​രി​ച്ച​ത്.

സാ​ഹി​ത്യ ​ലോ​ക​ത്ത്​ മാ​ത്ര​മ​ല്ല, ഡ​ല്‍​ഹി​യു​ടെ സാ​മൂ​ഹി​ക​ ജീ​വി​ത​ത്തി​ലും പ​തി​റ്റാ​ണ്ടു​ക​ളാ​യി നി​റ​ഞ്ഞു​ നി​ല്‍​ക്കു​ന്ന സ​ച്ചി​ദാ​ന​ന്ദ​ന്‍ എ​ന്തു​കൊ​ണ്ട്​ ത​ല​സ്​​ഥാ​നം വി​ട്ട്​ നാ​ട്ടി​ലേ​ക്ക്​ മ​ട​ങ്ങ​ണ​മെ​ന്ന്​ ഓ​ര്‍​ത്തു​പോ​കു​ന്നു? ഇ​നി​യൊ​രു മ​ട​ക്കം ഉ​റ​പ്പി​ക്കാ​തെ ഏ​താ​നും ആ​ഴ്​​ച​ക​ള്‍ മുമ്പു​മാ​ത്ര​മാ​ണ്​ ക​ഥാ​കാ​ര​ന്‍ ആ​ന​ന്ദ്​ ഡ​ല്‍​ഹി വി​ട്ട​ത്.

കേ​ര​ള​ത്തി​ലേ​ക്ക്​ തി​രി​ച്ചു ​പോ​ക​ണ​മെ​ന്ന്​ ക​ല​ശ​ലാ​യി ആ​ഗ്ര​ഹി​ക്കു​ന്ന​തി​െന്‍റ കാ​ര​ണ​ങ്ങ​ള്‍ നോ​വു​ന്ന മ​ന​സ്സോ​ടെ​യാ​ണ്​ സ​ച്ചി​ദാ​ന​ന്ദ​ന്‍ പ​റ​ഞ്ഞ​ത്​: ഇ​ത്​ ഏ​തോ ഒ​രു രാ​ജ്യ​മാ​ണെ​ന്ന്​ തോ​ന്നി​പ്പോ​കു​ന്നു. ത​ടു​ക്കാ​നാ​വാ​ത്ത ഒ​രു തോ​ന്ന​ലാ​ണ​ത്. ഈ ​മ​ണ്ണി​ല്‍ ഞാ​ന്‍ ഇ​​ന്ന്​ ഒ​രു പ​ര​ദേ​ശി​യാ​ണ്. അ​ങ്ങ​നെ ചി​ന്തി​ക്കു​ന്ന ഒ​രു​പാ​ടു​പേ​ര്‍ ഡ​ല്‍​ഹി​യി​ല്‍ ഉ​ണ്ടാ​വും. ഭ​ര​ണ​ത്തി​ന്റെ പു​തി​യ രീ​തി​ക​ള്‍​ക്കി​ട​യി​ല്‍ ഇ​വി​ടെ ഒ​രു​മ​യു​ടെ, ഒ​ത്തു​ചേ​ര​ലി​ന്റെ,

സം​ഭാ​ഷ​ണ​ത്തി​ന്റെ ഇ​ട​ങ്ങ​ള്‍ ഇ​ല്ലാ​താ​യി. ഉ​ള്‍​ക്കൊ​ള്ളു​ന്ന​ രീ​തി​ക​ള്‍ മാ​ഞ്ഞു​പോ​യി. ​ഇ​പ്പോ​ഴ​ത്തെ ഭ​ര​ണ​വ​ര്‍​ഗ​രാ​ഷ്​​ട്രീ​യ​വു​മാ​യി ഒ​രു​സം​ഭാ​ഷ​ണം ന​മു​ക്ക്​ സാ​ധ്യ​മ​ല്ല. എ​നി​ക്ക്​ എ​ല്ലാ​ത്ത​രം രാ​ഷ്​​ട്രീ​യ​ക്കാ​രോ​ടും സം​സാ​രി​ക്കാ​ന്‍ പ്ര​യാ​സം തോ​ന്നി​യി​രു​ന്നി​ല്ല. എ​ന്നാ​ല്‍, ഇ​പ്പോ​ഴ​ത്തെ ഭ​ര​ണാ​ധി​കാ​രി​ക​ളോ​ട്​ ന​മു​ക്ക്​ സം​സാ​രി​ക്കാ​നേ തോ​ന്നു​ക​യി​ല്ല.

നി​ര​ക്ഷ​ര​ത​യും അ​ഹ​ങ്കാ​ര​വും വി​ദ്വേ​ഷ​വു​മാ​ണ്​ നി​റ​ഞ്ഞു​നി​ല്‍​ക്കു​ന്ന ഘ​ട​ക​ങ്ങ​ള്‍. ഭ​ര​ണ​മോ? കോ​വി​ഡ് ര​ണ്ടാം​ത​രം​ഗം ഡ​ല്‍​ഹി​യെ ന​ര​ക​മാ​ക്കി​യ​പ്പോ​ള്‍ ഈ ​ഭ​ര​ണ​ക്കാ​രെ ആ​രെ​യും കാ​ണാ​നു​ണ്ടാ​യി​രു​ന്നി​ല്ല. ഇ​വി​ടെ പു​തി​യ പാ​ര്‍​ല​മെന്‍റ്​ പ​ണി​യു​ക​യ​ല്ല. സു​പ്ര​ധാ​ന​മാ​യ പ​ല​തും ഇ​ടി​ച്ചു​ നി​ര​ത്തു​ക​യാ​ണ്. ഡ​ല്‍​ഹി​ക്ക്​ പു​തി​യ ച​രി​ത്രം നി​ര്‍​മി​ക്കു​ക​യാ​ണ്. പു​തി​യ​നേ​താ​ക്ക​ള്‍ പ​ഴ​യ​ച​രി​ത്ര​വും ഓ​ര്‍​മ​ക​ളും കു​ഴി​ച്ചു​മൂ​ടാ​ന്‍ നോ​ക്കു​ക​യാ​ണ്.

2014ലാ​ണ്​ ച​രി​ത്രം തു​ട​ങ്ങി​യ​തെ​ന്ന മ​ട്ടി​ല്‍ ച​രി​ത്ര​സ്​​മാ​ര​ക​ങ്ങ​ള്‍ പൊ​ളി​ച്ചു​മാ​റ്റു​ക​യാ​ണ്. ഡ​ല്‍​ഹി​യു​ടെ മു​ഖം മാ​ത്ര​മ​ല്ല, മ​ന​സ്സും മാ​റ്റു​ക​യാ​ണ്. സെ​ന്‍​ട്ര​ല്‍ വി​സ്​​ത പു​തി​യ​തൊ​ന്ന്​ ഉ​ണ്ടാ​ക്കു​ന്ന​തി​നേ​ക്കാ​ള്‍ സു​പ്ര​ധാ​ന​മാ​യ പ​ല​തും ന​ശി​പ്പി​ക്കു​ക​യാ​ണ്.

പാ​ര്‍​ല​മെന്‍റും ഇ​ന്ത്യ ഗേ​റ്റു​മെ​ല്ലാം ഡ​ല്‍​ഹി​ക്കാ​ര്‍​ക്കും വ​ന്നു​ പോ​കു​ന്ന​വ​ര്‍​ക്കും പ്രി​യ​പ്പെ​ട്ട​ഭാ​ഗ​ങ്ങ​ളാ​യി​രു​ന്നു. ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍​ വ​രെ പ​ഴ​യ​തൊ​ന്നും ത​ട്ടി​നി​ര​ത്തു​ക​യ​ല്ല. വ​രും​ത​ല​മു​റ​ക്ക്​ ച​രി​ത്ര​ത്തി​ലേ​ക്കു​ള്ള കി​ളി​വാ​തി​ലാ​യി സം​ര​ക്ഷി​ക്കു​ക​യാ​ണ്​ ചെ​യ്യു​ന്ന​ത്. സ്​​മാ​ര​ക​ങ്ങ​ളി​ലേ​ക്ക്​ കു​ട്ടി​ക​ളെ കൊ​ണ്ടു​പോ​വു​ക​യും ഇ​വ​രൊ​ക്കെ​യാ​ണ്​ ന​മ്മെ അ​ടി​മ​ക​ളാ​ക്കി​വെ​ച്ച​തെ​ന്ന്​ പ​റ​ഞ്ഞു​കൊ​ടു​ക്കു​ക​യു​മാ​ണ്​ ചെ​യ്യു​ന്ന​ത്. ഇ​തൊ​ക്കെ ആ​രോ​ടു​പ​റ​യാ​ന്‍? ചോ​ദ്യ​മെ​റി​ഞ്ഞ്​ സ​ച്ചി​ദാ​ന​ന്ദ​ന്‍ മൗ​നി​യാ​യി.