ബിജെപിയുടെയും വസുന്ധരയുടെയും പൊക കണ്ടിട്ടേ ലളിത് മോദി അടങ്ങൂ എന്ന നിലയിലാണ് വാര്‍ത്തകള്‍ പുറത്തുവരുന്നത്. വസുന്ധരയുടെയും മകന്റയും വലം കൈയ്യായ മോദിയും സര്‍ക്കാരുകളും അവിശുദ്ധമായി നടത്തിയ കൂട്ടുകെട്ടുകള്‍ ഞെട്ടിക്കും വിധമാണ്. 2007ല്‍ ലളിത് മോദിയെ പത്മ പുരസ്‌കാരത്തിന് ശുപാര്‍ശ ചെയ്‌തെന്ന വാര്‍ത്ത പുറത്തുവന്നതാണ് പുതിയ വിവാദത്തിന് തിരികൊളുത്തിയത്.
സ്‌പോര്‍ട്‌സ് കൗണ്‍സില്‍ വഴി 2007 ജൂലൈ 28ന് വസുന്ധര രാജെ ലളിത് മോദിയുടെ പേര് പത്മ പുരസ്‌കാരത്തിന് ശുപാര്‍ശ ചെയ്‌തെന്ന് ദൈനിക് ഭാസ്‌കറാണ് റിപ്പോര്‍ട്ട് ചെയ്തത്. വിപുലമായ വ്യവസായ സാമാജ്ര്യവും സംസ്ഥാന ക്രിക്കറ്റിന്റെ വികസനത്തിന് നല്‍കിയ സംഭാവനകളും കണക്കിലെടുത്താണ് സര്‍ക്കാര്‍ ലളിത് മോദിയുടെ പേര് പുരസ്‌കാരത്തിന് ശുപാര്‍ശ ചെയ്തത്.
ലളിത് മോദിക്ക് അനുകൂലമായി വസുന്ധ രാജെ സത്യവാങ്മൂലം നല്‍കിയത് വലിയ വിവാദമായിരുന്നു. ഇതിനുപിന്നാലെയാണ് പത്മ പുരസ്‌കാര ശുപാര്‍ശയുടെ വാര്‍ത്തയും പുറത്തുവന്നത്.
2007ല്‍ ലളിത് മോദിയെ പത്മ പുരസ്‌കാരത്തിന് ശുപാര്‍ശ ചെയ്തതില്‍ തെറ്റില്ലെന്നാണ് രാജസ്ഥാന്‍ ക്രിക്കറ്റ് അസോസിയേഷന്‍ സെക്രട്ടറി സുഭാഷ് ജോഷി പ്രതികരിച്ചത്. \'സംസ്ഥാനത്തെ ക്രിക്കറ്റ് വികസനത്തിന് ലളിത് മോദിയുടെ പങ്ക് മറക്കാനാവില്ല. ആറ് ചാമ്പ്യന്‍സ് ട്രോഫി മത്സരങ്ങള്‍ക്ക് സംസ്ഥാനം ആതിഥേയരായി. ലോകനിലവാരത്തിനുള്ള ഒരു ക്രിക്കറ്റ് അക്കാദമിയും നിര്‍മ്മിച്ചു. അദ്ദേഹം വ്യക്തമാക്കി. എന്നാല്‍ സര്‍ക്കാര്‍ മോദിയുടെ പേര് സമര്‍പ്പിച്ചിട്ടും കേന്ദ്രം വെട്ടുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha