ബ്രിക്സ് ഉച്ചകോടിയില് പത്ത് നിര്ദേശങ്ങളുമായി മോദി
റഷ്യയിലെ ഉഫയില് ബ്രിക്സ് ഉച്ചകോടിക്ക് തുടക്കമായി. ബ്രിക്സ് രാഷ്ട്രങ്ങള്ക്കിടയിലെ പൂര്വാധികം സഹകരണത്തിനും ഏകോപനത്തിനുമായി മോദി പത്ത് നിര്ദേശങ്ങള് മുന്നോട്ടുവച്ചു. ബ്രിക്സ് രാഷ്ട്രങ്ങളുടെ നേതൃത്വത്തില് വാര്ഷീക വ്യാപാരമേള സംഘടിപ്പിക്കണമെന്നാണ് അദ്ദേഹത്തിന്റെ പ്രധാന നിര്ദേശം. ആദ്യ മേളയ്ക്ക് ആതിഥേയത്വം വഹിക്കാനായി ഇന്ത്യ സന്നദ്ധമാണെന്നും അദ്ദേഹം വ്യക്തമാക്കി.
ബ്രിക്സിനു വേണ്ടി റെയില്വേ ഗവേഷണ കേന്ദ്രം, കാര്ഷീക ഗവേഷണ കേന്ദ്രം എന്നിവ സ്ഥാപിക്കണമെന്നും പരമോന്നത ഓഡിറ്റ് സ്ഥാപനങ്ങള്ക്കിടയിലെ സഹകരണം, ഡിജിറ്റല് സംരംഭം എന്നിവയുടെ ആവശ്യകതയും മോദിയുടെ നിര്ദേശങ്ങളില്പ്പെടുന്നു.
ഭാവിയിലേക്കുള്ള പത്ത് ചുവടുകളെന്നാണ് മോദി പുതിയ നിര്ദേശങ്ങളെ വിശേഷിപ്പിച്ചത്.
ഉത്പാദനമേഖലയിലെ ഉത്തേജനത്തിന് അഞ്ചു രാജ്യങ്ങള്ക്കിടയിലും സാമ്പത്തിക സഹകരണം മെച്ചപ്പെടുത്തണമെന്നും അദ്ദേഹം കൂട്ടിച്ചേര്ത്തു. റഷ്യന് പ്രസിഡന്റ് വ്ലാദ്മിര് പുടിന്, ബ്രസീല് പ്രസിഡന്റ് ഡില്മ റുസഫ്, സൗത്ത് ആഫ്രിക്കന് പ്രസിഡന്റ് ജേക്കബ് സുമ, ചൈനീസ് പ്രസിഡന്റ് ഷീ ജിന്പിംഗ് എന്നിവരും ഉച്ചകോടിയില് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
